勾踐

出自維基百科,自由嘅百科全書
(由句踐跳轉過嚟)

勾踐粵拼ngau1 cin5;又寫句踐;—前464年;出土文物「越王勾踐劍」寫做鳩淺[1]司馬貞史記索隱》入便嘅《紀年》叫菼執[2]),係中國春秋時代後期嘅越國君主。老豆係越侯允常。唔知生年,前496年前464年在位。

生平[編輯]

大敗[編輯]

内文:闔閭

勾踐即位後稱王,吳王闔閭乘機攻越。越國派敢死嘅人排成三列行到去吳軍陣前,高聲大嗌之後攞劍集體自殺,越軍趁吳國軍隊睇嗰陣猛攻,喺槜李大敗吳軍,闔閭嘅手指頭傷咗,冇幾耐因傷重而死。闔閭臨死遺囑佢個仔夫差:「必毋亡越!」夫差即位做吳王之後,勵精圖治準備攻越報仇。勾踐唔聽范蠡勸阻,倉促下搶先出兵攻吳,喺夫椒(今江蘇吳縣西南太湖中)大敗。吳軍佔領越都會稽,將勾踐困喺會稽山。范蠡建議勾踐用卑辭厚禮向吳求降,如果唔掂,就由勾踐親自去吳國做人質。勾踐採納咗呢個一建議,一面準備死戰,一面派文種向吳王求和,用財寶賄賂吳太宰伯嚭,又獻上美女西施。夫差喺伯嚭勸說下同越國議和,率軍翻吳。勾踐向越國臣民下詔罪己,然後去吳國做夫差嘅工人,食,最終擺到夫差嘅信任,三年後釋放翻越國。

臥薪嘗膽同滅吳稱霸[編輯]

内文:臥薪嘗膽吳國

勾踐翻去越國之後發誓復仇滅吳,臥薪嘗膽,休養生息,重用範蠡、文種等人,「十年生聚、十年教訓」。《史記·貨殖列傳》話:「計然之策七,越用其五而得意。」又話:「修之十年,國富,厚賂戰士。士赴矢石,如渴得飲。遂報強吳,觀兵中國,稱號五霸。」一年,越國向吳國進貢蒸熟嘅種子,令第二年吳國大飢,削弱咗吳國嘅國力。冇幾耐,勾踐趁夫差走咗,乘虛而入,最尾響勾踐二十四年(前473年)亡吳。稱霸中原。

參攷[編輯]

  1. (中文). 原著喺2008年9月16號歸檔. 喺2014年6月18號搵到.
  2. 《史記‧越王句踐世家》司馬貞「索隱」,1747頁。