同性婚姻

出自維基百科,自由嘅百科全書
跳去: 定向搵嘢

同性戀婚姻,或同性婚姻同志婚姻係指生理性別性別認同相同嘅兩人之间嘅婚姻關係。響同性婚姻嘅支持者之中,亦將其稱為「婚姻平等」或「平等婚姻權」。依家全世界有15個國家提供全國性嘅同性婚姻。

名称与概念[編輯]

基督教傳統較悠久嘅國家,婚姻作為社會嘅一項基本制度除咗具有法律意義上嘅「民事婚姻」概念,同時亦有宗教意義上嘅「宗教婚姻」概念。喺現代政教分離嘅國家入面,兩個概念分屬國家教會嘅管轄範圍;喺同一個國家,有啲婚姻,例如異教徒、唔同種族、同性之間等嘅婚姻,可能淨係由國家或教會一方承認,但另一方不承認,或者有啲教會承認,但有啲教會唔承認。由於保守宗教人士反對將同性婚姻叫做「婚姻」,因此法律採用「民事結合」嘅名稱。有學者如Alan Dershowitz提議,淨係保留「婚姻」嘅宗教意義,而民事意義嘅婚姻,無論異性或同性,一律改稱為「民事結合」,但保守派人士認為,將婚姻等同於民事合約本身,就是對婚姻嘅威脅。

大部分以穆斯林為主要人口嘅國家拒絕承認同性婚姻,並判定同性戀行為為有罪。喺伊斯蘭國家伊朗茅利塔尼亞沙烏地阿拉伯蘇丹葉門,同性戀會被處以死刑。而奈及利亞索馬里嘅部分地區亦執行此法。而雞姦嘅懲罰喺唔同嘅法律下有唔同嘅處理手法,部分人會被處以死刑,而部分人就會被監禁。而部分相對世俗化嘅國家雖然人口以穆斯林為主,但唔會用呢啲手法處理。如馬來西亞印度尼西亞約旦同埋土耳其[1]

喺一啲國家或行政管轄區,由於歷史或公眾民意嘅原因反對俾同性伴侶以「婚姻」嘅名義結合,但同時為咗俾同性伴侶提供近似婚姻嘅法律保護,而創立咗唔同於「婚姻」一稱嘅其他形式關係,包括:

  • 民事结合:通常喺權利上等同或接近婚姻,但無婚姻嘅名分。
  • 同居或注册伴侣关系:喺不同程度上提供少於婚姻嘅權利。喺一啲國家或司法區域,異性戀與同性戀都可以註冊為同居伴侶。

喺英國同性婚姻合法化之前,曾經有同婚姻權利和義務完全一致嘅「民事結合」關係,向同性伴侶開放。但一啲同權人士拒絕接受呢個非婚姻嘅稱謂,認為咁樣只不過喺「隔離但平等」政策嘅延續。

喺可以註冊同性婚姻嘅國家或司法區域,同性婚姻嘅伴侶可以舉行婚禮。但喺不承認同性婚姻嘅地方,類似婚禮嘅儀式被稱為「承諾儀式」,雙方藉此確立兩人關係,互相承諾履行婚姻義務,但嚟種關係唔被任何法律承認或保護,無家庭(如子女嘅監護權,部分同性伴侶會領養子女)、财产(如共同財產、稅務繼承)、社会(如醫療保險、探視、代做醫療決定、代行權利、移民)等多方面嘅權利。

歷史與現狀[編輯]

內文: 同性伴侶關係歷史年表

古代[編輯]

中國最早有記錄嘅關於同性結合嘅文字出自宋代太平廣記》中嘅《潘章》。文中記載嘅故事發生於春秋戰國時期嘅楚國。潘章同王仲先「一見相愛,情若夫婦」,並共度餘生。根據書中記載,當時嘅結合受到屋企人嘅接受,因為當兩人過身之後,「家人哀之,因合葬於羅浮山」。[2]

歷史上第一個被提及嘅同性婚姻儀式發生喺羅馬帝國嘅早期[3],並通常被用以批評或諷刺嘅方式被引用[4]。當時嘅皇帝埃拉伽巴路斯將他一名來自卡利亞嘅金發碧眼奴隸希洛克勒斯稱為佢嘅老公[5]。佢重同一個名為左迪卡斯嘅運動員喺羅馬一場公開嘅儀式中成婚[6][7]

公元342年,基督教君士坦提烏斯二世君士坦斯一世喺《狄奧多西法典》中添加法令(C. Th. 9.7.3),禁止喺羅馬帝國進行同性婚姻,並處死已經舉行同性婚姻嘅人。[8]

中世紀[編輯]

中世紀有記載的同性戀婚姻發生喺西班牙嘅加利西亞。兩位名為Pedro Díaz同Muño Vandilaz嘅男子於1061年4月16日成婚。他們嘅婚禮由一個小教堂嘅牧師主持。關於果次教堂婚禮嘅歷史檔案可以喺聖薩爾瓦多德希拉諾瓦修道院搵到[9]

近現代[編輯]

自從2001年荷蘭成為第一個允許同性伴侶登記並認可其婚姻有效性嘅國家以來,全球已有15個國家全國性、美國13個州與首都(美國由各州自主管轄婚姻事務)、英國嘅2個地區及墨西哥首都均先後承認同性婚姻嘅權利並准予註冊。依時間順序,這些國家或州/地區分別為:荷蘭比利時馬薩諸塞州西班牙加拿大南非、-{康涅狄格州}-、挪威艾奧瓦州瑞典佛蒙特州、-{新罕布什爾州}-、華盛頓特區墨西哥城葡萄牙冰島阿根廷纽约州丹麦華盛頓州緬因州馬里蘭州烏拉圭新西兰法國[10][11]特拉华州羅德島州明尼苏达州巴西加利福尼亞州英格蘭威爾斯亞洲地區率先審議同性婚姻嘅尼泊爾最高法院已做出判決,但相應的立法程序仍在進行中,而越南目前也正響度凝聚社會共識來推動同性婚姻法案。

此外,十九個國家及四個國家內的司法區域承認「民事結合」,喺權利與義務上與傳統婚姻具有同等法律地位,但唔稱作「婚姻」;六個國家及一個美國嘅州承認其他司法區域嘅同性婚姻,但喺本國或本州仍不予登記。另外,響幾十個國家及美國多個州,有關同性婚姻嘅政治與法律辯論正在進行中。

2013年1月13日,數十萬人匯聚法國首都巴黎街頭遊行,抗議政府準備通過同性戀婚姻合法化以及同性戀家庭領養孩子合法化嘅法律。抗議組織者稱,周日共有80多萬人參與了遊行示威活動;很多抗議者更係有組織地乘坐列車同巴士來到巴黎。 巴黎警方統計數字稱遊行抗議者人數約為34萬;舊年11月一個類似嘅遊行吸引了約十萬參與者[12]。然而在這之後,法國國民議會旋即於2月12日通過同志可合法結婚並領養子女的法案,4月11日,參議院又通過咗同性婚姻法案中最重要嘅第一條,即贊成同性戀伴侶可與異性戀一樣享有結婚嘅權利。2013年5月18日,法國同性婚姻正式合法化。

2013年6月26日,美國最高法院裁定捍卫婚姻法案違憲,從而使同性婚姻喺聯邦層面合法化,但是美國各州仍然有權決定本州同性婚姻係唔係合法嘅。嚟件事被美國媒體普遍認為係同志婚姻維權運動嘅重大進展。

參考[編輯]

  1. [1]
  2. Hinsch, Bret(1990年)。《斷袖的激情》(Passions of the Cut Sleeve)。加利佛尼亞大學出版社。24頁–25頁
  3. Boswell, John. Same-sex unions in premodern Europe. New York: Vintage Books. 1995: 80–85. ISBN 0-679-75164-5. 
  4. Frier, Bruce. Roman Same-Sex Weddings from the Legal Perspective. University of Michigan. . 喺25 September 2012搵到;. 
  5. Cassius Dio, Roman History LXXIX.30
  6. Dio Cassius Epitome 80.5, 80.14, 80.15, 80.16; Herodian Roman History 5.6.1–5.6.2. Old Translation of passage at: http://penelope.uchicago.edu/Thayer/E/Roman/Texts/Cassius_Dio/80*.html http://www.tertullian.org/fathers/herodian_05_book5.htm
  7. Scarre, Chris. Chronicles of the Roman Emperors. London: Thames and Hudson Ltd. 1995. 151. ISBN 0-500-05077-5. 
  8. Kuefler, Mathew. The Marriage Revolution in Late Antiquity: The Theodosian Code and Later Roman Marriage Law. Journal of Family History. 2007, 32 (4): 343–370. doi:10.1177/0363199007304424. 
  9. Carlos Callón. Callón gaña o Vicente Risco de Ciencias Sociais cun ensaio sobre a homosexualidade na Idade Media. . 喺1 March 2011搵到; (加里西亞文). 
  10. 法国成为世界第14个同性婚姻合法化国家,亚太日报,2013年4月23日
  11. 法國國民議會通過同性婚姻法案香港電台,2013年4月23日
  12. <http://www.bbc.co.uk/zhongwen/trad/world/2013/01/130113_paris_antigay_demo.shtml>

睇埋[編輯]


LGBT酷兒研究系列
彩虹旗
LGBT主題
性別 · 同性戀 · 雙性戀 · 變性人
LGBT歷史
LGBT年表 · 同志解放運動 · 社會運動 · 艾滋病年表
文化
社區 · 驕傲遊行 · 出柜 · Gay slang · Gay village · 酷兒理論 · 宗教 · 標誌 · 酷兒 · Questioning
法律
婚姻 · 民事結合 · 領養 · 雞姦法 · 兵役 · 仇恨罪行 · LGBT權利
分類
呢個盒: 睇吓  討論  編輯