吳景

吳景（—203年），東吳孫堅嘅舅仔，佢家姐吳夫人係孫策、孫權嘅阿媽。

生平

吳景曾跟隨孫堅征伐有功，受騎都尉。袁術上表吳景做丹楊太守，同討伐前丹楊太守周昕，於是吳景佔領咗丹楊。孫策、孫河同呂范聽吳景建議，合力大破涇縣嘅賊帥祖郎。吳景曾經被劉繇逼迫，往北投靠袁術。袁術用佢為督軍中郎將，與孫賁喺於橫江討伐樊能、於糜，又喺秣陵擊敗笮融、薛禮。當孫策喺牛渚作戰受傷時，又遇降兵造反時，幸好得吳景平定同擒下降兵。吳景跟隨孫策討伐劉繇，劉繇打敗逃去豫章，佢奉孫策之命去袁術處報訊。袁術同劉備爭奪徐州嘅時候，任命吳景做廣陵太守。

袁術後來僭越稱帝時，孫策曾寫信畀袁術，勸佢唔好咁做，但係袁術冇理佢，兩人於是唔再往來，孫策揾人通知吳景。吳景於是返回東吳，孫策仍然叫佢做丹楊太守。東漢朝廷派遣使者到來，頒佢做揚武將軍，仍舊領有丹楊。

子女

吳景死喺建安八年（203年），佢兩個仔吳奮封新亭候、吳祺封都亭侯。

參考文獻

• 《三國志‧吳書‧妃嬪傳第五》