吳鎮宇

出自維基百科,自由嘅百科全書
吳鎮宇
Francis Ng
男演員
原名吳志強
英文名Francis Ng
花名鎮宇
國籍 英國國民(海外)
 中國香港
籍貫廣東番禺
出世 (1961-12-21) 1961年12月21號(62歲)
 英屬香港
職業演員歌手
第37屆金馬獎最佳男主角

吳鎮宇(原名吳志強Francis Ng Chun-Yu1961年12月21號—)係香港演員

生平[編輯]

電視[編輯]

佢鄉下喺廣東番禺。佢係響第11期無綫電視藝員訓練班(1982年)畢業,同期嘅重有梁朝偉。之不過出道之前嗰幾年,吳鎮宇一直都淨係響無綫啲劇集入面做茄哩啡。一直到梁朝偉嗰班一綫演員離開咗無綫之後,吳鎮宇先至有機會上位。佢第一部以一綫身份參演嘅劇集係1986年北斗前鋒》;而響1988-1992年間,係吳鎮宇響無綫最多演出嘅時期,其中有唔少劇集係佢主演嘅,例如1989年香港雲起時》。

電影[編輯]

吳鎮宇係喺1986年參演咗《靚妹仔3之午夜麗人》而走入咗去電影圈。但早期嗰陣吳鎮宇都淨係撈到一啲角色仔。好似1989年《傲氣雄鷹》,佢喺男角色名單嘅第六位;到1992年佢成為自由身之後,亦都冇變,1993年唐伯虎點秋香》同《倚天屠龍記之魔教教主》都係咁樣。其間佢重要返番去無綫。

吳鎮宇要到九十年代中先至喺電影圈上位。佢較為人深刻嘅係1996年古惑仔》系列嘅「靚坤」,開始受到正面評價;1999年係佢最威水嘅一年,唔但只憑住《爆裂刑警》贏得香港電影評論學會最佳男主角,重打入金馬獎──憑住《鎗火》贏得台灣電影金馬獎最佳男主角,當其時角逐嘅重有梁朝偉。之後佢又憑住《公元2000》,贏得金像獎最佳男配角。

吳鎮宇出咗名演技精湛,每年演出電影就有十幾廿部,但佢除咗喺電影入面扮反派之外,就淨係主演一啲爛片。所以吳鎮宇唔但只唔係票房保證,一直都冇咩擁躉,連攞獎都唔係熱門。好似當佢贏得2000年香港電影金像獎最佳男配角嗰陣,觀眾為之受落;但嗰年吳鎮宇贏得金馬獎最佳男主角,就有人覺得係爆冷。吳鎮宇就咁樣回應:「我一直都唔覺得自己係大冷門!」2004年吳鎮宇獲得金像獎提名但輸畀劉德華,吳鎮宇就批評金像獎「選嘅係人脈而唔係演技」。呢句話曾經俾劉德華擁躉強烈指摘,吳鎮宇就話:「唔通唔係靠人脈咩?佢(指金像獎)嘅機制決定咗睇起你嘅人可以贏到獎。」

雖然電影市道自九十年代尾越嚟越差,吳鎮宇每年仍然有近廿部電影演出;近年佢更加以導演身份執導電影,其中最為人熟悉嘅係《追影》。

作品[編輯]

連續劇[編輯]

電影[編輯]

[編輯]

其他[編輯]

大中華地區,球迷覺得墨西哥足球守門員古利姆奧祖亞同吳鎮宇好似樣,所以奧祖亞又有個花名叫做「墨西哥吳鎮宇」或者「墨西哥Sam哥」。[1]

[編輯]

  1. 界盃2022|鎮宇幫墨西哥守龍?人有相似撞晒樣!. am730. 2022-11-21. 喺2022-11-22搵到.