周魴

周魴（?—241年之前），字子魚，陽羨（家下江蘇宜興）人，吳嗰時嘅鄱陽太守。《三國志·吳書·周魴傳》係講佢嘅傳記。

周魴阿爸周賓係吳國諮議參軍，阿仔係「除三害」嗰個周處。

一生人

佢後生嗰陣勤學，後嚟畀地方推舉做孝廉，做寧國同懷安嘅縣長。錢唐大帥彭式等人聚集做賊，周魴做錢唐侯相嗰陣，一個月就斬殺咗彭式同佢嘅殘黨。黃武四年十二月（226年初），鄱陽郡嘅山民彭綺作亂，周魴畀孫權委任做鄱陽太守，同胡綜一齊平定佢同埋拉彭綺。

七年（228年），佢寫咗箋書七條詐降曹魏，話吳國可以攻破，親自剪自己嘅頭髮鴞大司馬曹休嘅信任，曹休佢性格唔多懷疑，中咗計，帶著十萬步騎去皖城接應，畀陸遜佢哋打潰，孫權喺石亭之戰戰勝之後，周魴加封裨將軍同埋關內侯。

之後賊帥董嗣搶豫章同臨川嘅財物，吾粲、唐咨帶領三千士兵攻佢幾個月都唔得。周魴表面就退兵，實質係用間諜搵策略殺咗董嗣，董嗣個細佬驚咗就去武昌投降陸遜。

佢喺鄱陽郡嗰度十三年（約238至241年之間）就走咗，歷史書話佢「賞善罰惡，恩威並行。」