咕嚕肉

出自維基百科,自由嘅百科全書
跳去: 定向搵嘢
咕嚕肉
齋咕嚕肉,用豆腐代替豬肉,但仍幾可亂真
咕嚕雞球

咕嚕肉或作咕咾肉甜酸肉古老肉,係一道中國粵菜,以汁同豬肉煮成。呢味餸係人士最熟悉嘅中國菜之一,所以成日喺中國以外唐人街嘅餐館見到。

名由來[編輯]

咕嚕肉嘅名有兩個傳說。第一個傳說指由於呢味餸以甜酸汁烹調,上菜時香氣四溢,令人禁唔住「咕嚕咕嚕」地吞口水,因而得名。第個傳說係指呢味餸歷史悠久,故稱為「古老肉」,後轉化成「咕嚕肉」。

製法[編輯]

咕嚕肉通常會用脢頭(豬肩)肉。配料有青椒紅椒洋蔥菠蘿。「咕嚕汁」就用茄汁山楂砂糖檸檬汁等煮成。咕嚕肉嘅煮法,係將豬肉切件醃味,然後沾上生粉,放入油鑊金黃色,再將炸好嘅肉連同配料同咕嚕汁成。

普及程度[編輯]

由於清朝時歐美人士喺中國最先接觸廣東地區,亦順理成章最先接觸粵菜,加上佢哋鍾意甜酸嘅口味,所以咕嚕肉深受佢哋歡迎。另一方面,廣東人亦係最早僑居歐美地區嘅中國人,更喺當地開設粵菜餐館,更令咕嚕肉普及起嚟。現時世界各地唐人街嘅多數餐館,都有咕嚕肉嘅供應,通常會附送白飯炒飯

相關食品[編輯]

咕嚕肉嘅煮法,亦可用於其他材料。最普遍嘅變種係生炒骨,即係用咕嚕汁炒豬排骨。其他咕嚕菜式則包括咕嚕球、咕嚕球、咕嚕塊等,甚至用豆腐代替豬肉嘅齋咕嚕肉。