咪高峰

出自維基百科,自由嘅百科全書
(由咪高峯跳轉過嚟)
出面大型會議或表演成日用嘅咪
有線咪
無線咪
錄音室專用咪

咪高峰粵拼mai1 gou1 fung1,音譯自英文單詞「Microphone」);簡稱mai1,音譯自英文縮寫「mic」或「mike」(兩個單詞嘅/ˈmk/[1]))或咪頭(注意「頭」字有變調,mai1 tau4*2);學名又叫傳聲器cyun4 sing1 hei3),係將聲音信號轉成電信號嘅能量轉換器。

發展史[編輯]

1665年,英國科學家羅拔·胡克整咗個錫杯電話,第一次試驗用空氣以外嘅媒介傳聲。後嚟到咗1876年,蘇裔美國人阿力山大·吉剌咸·比爾等一系列嘅科學家去盡力搵點攞得重正啲嘅聲嚟改善嗰時啱啱發明出嚟無耐嘅電話。喺嗰時,佢哋發明咗液體咪高峰同碳粒咪高峰出嚟,但係呢啲咪嘅效果唔係幾好,凈係好勉強用得噉。去到20世紀初,咪高峰從最初用電阻轉電同聲發展到電感同電容嘅模式,之後大量新咪技術就慢慢噉開始發展。

超聲咪嘅出現[編輯]

喺1920年代,菲利普·湯瑪仕喺西屋電氣公司做嘢嗰時發明咗超聲咪。而呢個咪嘅裝置好靈敏,可以探到人類聽力範圍以外嘅振動。不過佢呢種超聲咪好似冇乜人知噉。而佢嘅渦流槍就係用嚟取代傳統嘅煙囪,通過將排出去嘅煙變成大嘅煙環射到同溫層入面,減少煙霧出喺低空嗰頭。而湯瑪仕重積極噉探索同利用咗點分無線電嘅電力。佢話用適當嘅電磁頻率,可以睇穿一個人嘅心思。結果噉重響音樂界發揮到才華,發明咗樂器馬簾巴琴

電容式咪嘅出現[編輯]

喺1925年,比爾實驗室入面負責研究電氣錄音嘅亨利·哈利臣愛德華·基斯托化·雲提兩位一齊研發咗世界第一隻電容式咪。而呢種咪嘅靈敏度同頻寬,可以將各種聲轉成電氣訊號,再加埋嗰時馬士費爾德負責設計嘅真空管擴大機,將電氣訊號放大到可以將刻片針發動,幫埋哈利臣嚟設計一套比較複雜嘅刻片刀而整成嗰時比較禁(kam1)實用嘅原始電氣錄音設備重一直用到而家。

降噪咪嘅出現[編輯]

喺1949年,威利巴斯達實驗室研發咗MD4型咪高峰,佢可以喺比較嘈嘅環境入面降低背景雜音。呢個係世界第一個降噪咪。

MK10X型咪嘅出現[編輯]

喺1961年嘅德國漢諾威搞嘅工業博覽會入面,聲海公司重推出咗MK102、MK103型嘅咪。而呢兩種咪就刮咗全新嘅整咪理念——RF射頻電容式。佢有體積比較細,重量比較輕嘅特點,重可以有夠嗮靚嘅音質;另外,呢種咪有比較犀利嘅抗干擾性能,喺野外探險、日夜室外操作、溫差極大同氣候惡劣嘅環境都可以用得好順。

而家嘅咪品種[編輯]

而家世界各地嘅咪可以分成以下呢啲品種:

  • 聲電轉換原理:動圈式、鋁帶式、電容式、壓電式、電磁式、碳粒式,半導體式。
  • 聲場作用力:壓強式、壓差式、組合式,線列式。
  • 電信號傳輸方式:有線,無線。
  • 用途:測量話筒、人聲話筒、樂器話筒、錄音話筒。
  • 指向性:心型、銳心型、超心型、8字型、全向型。

[編輯]

  1. Zimmer, Ben (29 July 2010). "How Should 'Microphone' be Abbreviated?". The New York Times. 喺10 September 2010搵到.

出面網頁[編輯]