哈燕卡斯

哈恩卡斯

約瑟夫·「尤普」·哈燕卡斯（德文：Joseph "Jupp" Heynckes；1945年5月9號—），港譯軒加斯，係一位德國退役足球員同足球教練。佢喺20世紀60同70年代效力過當時處於黃金時期嘅門遜格拉德巴赫，贏過好多次德國甲組聯賽冠軍、德國足協盃冠軍同歐洲足協盃冠軍，並且喺1977年成功進軍歐洲盃（今日嘅歐洲聯賽冠軍盃）。此外佢亦都代表過西德國家隊出戰世界盃。退役嘅時候，佢以220粒入球冠絕歐洲射手榜。佢退役之後成為教練，先後執教過皇家馬德里同拜仁慕尼黑，並且先後帶領伊兩支球隊奪得歐洲聯賽冠軍盃。

2013年，喺帶領拜仁慕尼黑連續三季奪得德國甲組聯賽冠軍之後，哈燕卡斯宣佈退休，由之前執教巴塞羅拿嘅瓜迪奧拉接掌拜仁慕尼黑。

2017年，拜仁慕尼黑主教練安察洛提由於喺歐聯被巴黎聖日門大炒3-0而被炒。無幾耐之後，拜仁慕尼黑宣佈請到哈燕卡斯出山擔任主教練，到季尾退休。