唐寅（1470年－1524年），初字伯虎，更字子畏，曾經用過「唐白虎」嘅印章，號六如居士、桃花庵主，江南四大才子之一。中國明代出名嘅畫家，畫史上同沈周、文徵明、仇英合稱「明四家」或「吳門四家」。係江蘇蘇州吳縣人。
唐寅出生於世商家庭，有一妹一弟，父親唐廣德，經營一間唐記酒店。唐寅作品以山水畫、人物畫聞名於世，作品中嘅春宮圖為佢加咗「風流才子」嘅名聲。
民間有好多關於唐伯虎嘅傳說，最多人知嘅《唐伯虎點秋香》俾人改編做戲好多次，呢個形象最深入民心。
