問題娛樂圈

出自維基百科,自由嘅百科全書

「問題娛樂圈,好過打八圈!」

問題娛樂圈Is that Right)係一個問題遊戲節目,由2007年1月4號,到2月23號完結,逢星期一至五夜晚十點半,響無綫電視翡翠台度播出。呢個節目係由胡諾言同埋江欣燕主持。每一集都會邀請三位響娛樂圈嘅嘉賓參與呢個節目,節目中亦分咗做四大回合,可以俾呢三位嘉賓角力。

四個常規回合[編輯]

是非題[編輯]

三位嘉賓響90秒內答十條(後期係十五條)是非題,要答嗰樣料係堅料定係流料,並做出相應嘅動作。答啱有100分,答錯唔扣分。

看圖作料題[編輯]

三位嘉賓要圈出相同同埋唔同之處,最高500分,最低10分。

其後遊戲玩法係嘉賓睇完片段後,畀出兩個答案,一個係片段入面嘅人物真實會講嘅答案,另一個係如果嘉賓係片段入面嘅人物會講嘅答案,同樣最高500分,最低10分。

男女關係題[編輯]

三位嘉賓要響限時之內填上唔同嘅人物並加解釋,最高500分,最低10分。

娛樂鬥大細[編輯]

主持公佈一位人物,根據三位嘉賓嘅分數去排,最低分嘅講先,每人會有兩次出牌嘅機會,喺牌上寫娛樂圈人物嘅名同埋解釋,最高500分,最低10分。

真相大白題[編輯]

出線嘅嘉賓要抽選十個中嘅一個銀碼做本金,主持就畀一張扭曲咗嘅相嗰位出線者去估,有十次機會,每拎一個題示就扣10%本金,到最後十個提示之後都唔到或者估錯嘅就會出局,最後本金到估啱咗之後先至會揭曉。

C1機會[編輯]

每個回合嘅最高分嗰一位可以參與C1機會,佢可以響十隻碟度揀一個,裏面有正面新聞同埋負面新聞。正面新聞可以加分,但係負面新聞就會扣分。但如果佢可以為負面新聞平反嘅話,就唔使扣分。之後改咗俾嘉賓玩填充題,句子有一個地方係遮住咗,嘉賓要同娛樂跟班傾遮住咗嘅部分係咩字詞,估啱可以加分,估錯就要扣分。