啱

喺方格入面嘅勾號

啱（粵拼：ngaam1），書面語叫做正確或者對，即係一句嘢或者一樣嘢係合規矩，無錯。都可以解適合，例如「呢個調唔啱男人唱」。都可以解巧合。

啱嘅本字係諳。諳既音係烏含切。《玉篇》知也。《六書統》熟聞也。廣東話人話人啱，就等於話人深知也。

《三國演義》「原來太史慈所招軍大半是山野之民，不諳紀律。」呢句嘢話山野之民唔啱紀律，就好似啲人平時話人唔啱規矩咁。好似「你咁唔啱規矩喎」，轉文言文：「爾今不諳規矩也」。另外，唐詩《奉和九日幸臨渭亭登高應制得亭字》「簫鼓諳仙曲，山河入畫屏」，轉做白話：「簫鼓啱仙音，山河入畫屏」。《三國演義孔明用智激周孫權決計破曹操》「北軍不諳水戰」，轉白話：「北軍唔啱水戰」。唐詩《小山歌》「君能舉帆至淮南，家住盱眙余先諳」，轉白話：「你能舉帆去淮南，屋企喺盱眙我先啱」。

例

周先生響度猛講耶穌偉大，吳先生又講佛祖偉大，到底邊個啱？