喜羊羊與灰太狼

喜羊羊與灰太狼係一套中國製嘅Flash動畫，由廣東原創動力文化傳播有限公司出品。

故事簡介

一個羊群嘅祖先為咗避開狼群嘅追殺，而去到一個叫做青青草原嘅地方，而且建立咗一個防禦好堅固嘅村仔。到咗羊曆3131年（故事嘅虛擬曆法），羊群嘅首領由慢羊羊出任，而當年狼群首領嘅孫灰太狼帶埋佢個老婆紅太狼到咗青青草原對岸嘅森林度住，千方百計要將村入面嘅羊捉嚟食。

角色

喜羊羊

喜羊羊係呢個故事嘅主角，佢天生好聰明，係另一主角灰太狼永遠嘅敵人，重會成日整蠱灰太狼。

美羊羊

羊村最靚嘅羊，係沸羊羊嘅暗戀對象。

灰太狼

故事嘅反派主角，同羊族係敵人。失敗嘅話，成日話「我一定會返嚟揾你㗎！」

紅太狼

灰太狼嘅老婆，經常打同鬧灰太狼，話佢捉唔到羊就咪返嚟。 最喜歡用煎PAN打灰太狼

相關作品

電視版

2009年，無綫電視喺放學ICU時段內播出呢套動畫，而且比起其他動畫嚟講，呢套動畫有更加多嘅宣傳。無綫電視播放嘅片頭曲係由組合J.O.Y.所主唱嘅牛氣沖天。

電影版

2009年，動畫嘅電影版《喜羊羊與灰太狼之牛氣沖天》喺大陸農曆新年檔期上畫，而且大獲好評。