喜羊羊與灰太狼

出自維基百科,自由嘅百科全書

喜羊羊與灰太狼
Pleasant Goat and Big Big Wolf
類型 喜劇科幻輕鬆益智冒險家庭
電視動畫
原作 黃偉明
導演 原創動力導演組
人物原案 黃偉明
動畫製作 廣東原創動力文化傳播有限公司
製作 原創動力動畫製作組
播放電視台 中華人民共和國 杭州電視台少兒頻道CCTV浙江衛視湖南衛視陝西衛視、省級電視台少兒頻道(廣東少兒海南少兒雲南少兒山東少兒山西少兒江西少兒黑龍江少兒重慶少兒甘肅少兒河北少兒內蒙古少兒新疆少兒福建少兒)、福建教育湖北教育卡酷少兒炫動卡通優漫卡通金鷹卡通嘉佳卡通同埋部分地方電視台
播放期間 2005年8月3號-播緊
話數 共35部,2,633集(截至2021年7月)
Copyright ©奧飛娛樂股份有限公司同埋廣東原創動力文化傳播有限公司
代理發行(玩具)
代理發行(電視動畫)
代理發行(幼教互動書籍)
模板說明

 喜羊羊與灰太狼粵拼hei2 joeng4 joeng4 jyu5 fui1 taai3 long4 係一套中國製嘅Flash動畫,由廣東原創動力文化傳播有限公司喺2005年8月出品。

故事簡介[編輯]

喺羊曆3010年(故事嘅虛擬曆法),一個羊群嘅祖先為咗避開狼群嘅追殺,而去到一個叫做青青草原嘅地方,而且建立咗一個防禦好堅固嘅村仔:羊村。狼族一直千方百計要闖入羊村,希望可以捕殺羊群,但係總係無法成功。

到咗羊曆3513年,羊群嘅首領由慢羊羊出任,而當年狼群首領嘅第250代子孫:灰太狼,帶埋佢個老婆紅太狼去咗青青草原對岸嘅森林度住,千方百計要將羊村入面嘅羊捉嚟食[1][2][3]

主要角色[4][編輯]

喜羊羊[編輯]

喜羊羊係呢個故事嘅主角,佢天生好聰明而且好樂觀,好多計仔,係羊族嘅救星,另一主角灰太狼永遠嘅敵人,因為佢總係可以喺關鍵時刻睇出灰太狼嘅詭計並且成功救出佢啲夥伴同朋友。佢心地善良而且孝順,同時鍾意成日整蠱灰太狼(《羊村守護者》之前)。喜羊羊係一個炸彈狂,有時會夢遊放炸彈,但而家已經好返。喺電影版入面,佢成日為咗救佢嘅朋友而差啲犧牲咗自己條命,間中會百厭搗蛋。佢可以跑得好似風咁快,係全羊族入面跑得最快嘅羊。佢鍾意踢足球同埋做實驗,係村長嘅小助手,草原三俠嘅智。佢喺《羊村守護者》入面同灰太狼成為咗好朋友。

韓羊羊[編輯]

喜羊羊嘅细佬、考試攞一百份,佢係村長嘅細助手、好似喜羊羊一樣噉醒目,佢亦都係喜羊羊嘅羊族最走得快嘅羊。

美羊羊[編輯]

美羊羊係羊村入面最靚嘅羊,好貪靚同時又成日喊。天真善良,鍾意時尚同扮靚。可以用任何嘢去織出可以用嚟扮靚嘅飾物。無論係營養學家、美容師、模特兒、服裝師......總之一切「靚」有關嘅嘢,佢都非常精通,係大家跟住學習模仿嘅對象。鍾意喜羊羊。

懶羊羊[編輯]

懶羊羊係羊村入面最懶嘅羊,總係鍾意逃避啲辛苦嘅事而去偷懶,而且總係可以諗到方法去偷懶,唔鍾意做運動,佢係青青草原入面最肥嘅羊,亦因為噉,佢成為咗灰太狼最鍾意捉嘅羊。佢總係擺出一副「舉輕若重」嘅樣。佢早期成日被沸羊羊蝦,係草原三俠嘅怕。無論係生活、讀書定係做嘢,懶羊羊都會隨身攜帶佢嘅至愛——枕頭。佢嘅生活格言係:「天下皆醒我獨睡,天下皆勤我獨懶」。除此之外,佢嘅運氣總係特別好,每當遇到危險,總係可以避過一劫。喺《給快樂加油》時,因為被蘋果揼中個頭,所以擁有咗超能力。

沸羊羊[編輯]

沸羊羊係羊村入面最健壯,同時亦係最魯莽嘅羊,雖然佢有打敗灰太狼嘅實力,但係因為無自信而發揮唔到真正嘅實力。做事好衝動,唔會諗後果。成日鍾意認叻,好想喺班羊仔面前去展示自己。早期成日用展示力量呢個方式去威嚇懶羊羊去順從自己嘅意思,佢係草原三俠嘅勇。成日黑口黑面,扮到好有型咁樣,以為自己英偉不凡,天下無敵,但其實根本就無能為力。

暖羊羊[編輯]

暖羊羊係盤羊族,係羊村入面最善良嘅羊,大肥羊學校新嚟嘅插班生同班長。佢性格溫暖而且樂於助人,身材龐大又有力。有烏鴉嘴,預言不祥事件嘅能力可以話係超級準,但都成日因為噉而累咗大家。佢有一副好似菩薩咁嘅心腸,認為世界上係無壞人嘅,所以從來都唔會隨便傷害任何人,包括一草一木,甚至係灰太狼(早期)。佢力大無窮,但難以控制。往往只係輕輕拍吓髆頭,已經可以將對方拍扁。佢越係想向人表示友好,就越容易傷害到其他人,令佢非常煩惱。

慢羊羊[編輯]

慢羊羊係故事嘅正派副主角,佢係羊村嘅村長兼大肥羊學校嘅校長同發明家。佢好擅長搞發明,而且喺諗緊嘢嗰陣頭上會生出稀有嘅聰明草,但無乜記性。佢係羊族部落入面年紀最大嘅長者,成日睇好多書,平時最鍾意搞吓啲小發明小創造,係一個烏龍嘅發明家。發明嗰陣成日害到自己,但危急嗰時佢發明嘅嘢又真係可以用得着,但係因為年紀大而行得好慢,行路都慢過蝸牛,成日令到身邊嘅羊非常心急。

灰太狼[編輯]

灰太狼係故事嘅反派主角,係青青草原最早狼王「武大狼」嘅第250代子孫。佢同老婆「紅太狼」住喺青青草原一邊嘅狼堡度,佢好聰明而成日懶醒,好叻煮嘢食,好怕老婆,係青青草原嘅狼王,佢自稱自己係青青草原度最犀利嘅發明家,但係佢發明嘅捉羊工具多數都係無辦法可以成功咁捉到羊。佢總係因為無辦法畀全家人食到羊肉,而俾紅太狼打,亦成日食青蛙甚至係素食。因為成日都捉唔到羊,曾經多次被吊銷「狼籍」(「狼籍」相等於狼族社群入面嘅國籍,可以享有社會保障醫療保障等褔利[5]),後被恢復。佢嘅口頭襌係每次喺被啲羊仔打敗時話:「我一定會返嚟揾你㗎!」。灰太狼對於啲羊仔嚟講係一個敵人(《羊村守護者》之前),同時成日俾啲羊仔激到紮紮跳。不過佢喺屋企係一位好老公、好爸爸,對於暴力傾向嘅老婆紅太狼佢總係抱以忍讓嘅態度,而且非常寵愛自己個仔,佢有自己可愛嘅一面。佢以前嘅乳名係「尿太狼」,因為佢細個嗰時成日瀨尿。雖然總係同喜羊羊佢哋作對,但係有時佢又會好似精靈寶可夢嘅火箭隊一樣同喜羊羊佢哋一齊攜手合作去克服困難,不過到最後都係會反面。佢喺《羊村守護者》入面同喜羊羊成為咗好朋友;而佢喺《決戰次時代》嗰度表示,喜羊羊係佢最好嘅朋友。

紅太狼[編輯]

紅太狼係故事嘅反派副主角,佢係灰太狼嘅老婆,外表好靚而且好大力,仲強過灰太狼。由於自從同咗灰太狼結婚之後,就從來都未食過羊,所以都係狼堡入面家暴嘅施暴者,經常打同鬧灰太狼,話佢捉唔到羊就咪返嚟。主要武器係平底鑊。非常愛錫(縱容)小灰灰。佢同灰太狼一齊住喺狼堡度,非常鍾意扮靚,總係指派灰太狼去捉羊。佢嘅必殺技係「千手平底鑊」,平時總係對灰太狼暴力相加嘅佢,喺電影版《牛氣沖天》入面露出咗柔情嘅一面,甚至話過:「就算死,我哋都要攬住(灰太狼)一齊死!」。

小灰灰[編輯]

小灰灰係灰太狼同紅太狼個仔,佢係一個溫馴、天真、可愛嘅狼BB。佢嘅性格溫馴又單純,最鍾意睇爸爸飛上天,一直當爸爸灰太狼係大英雄。啱啱出世嗰時一直含住個奶嘴,由於爸爸灰太狼總係捉唔到羊,所以一直以嚟都只可以飲奶,之後仲同班羊仔做咗好朋友。喺電影版《牛氣沖天》嘅危機時刻被喜羊羊救咗。喊聲好大,發嬲嗰時可以吼穿晒埲牆。爸爸呃佢嗰陣,佢都會話:「爸爸,你又呃我!!!!」。

相關作品[編輯]

電視版[編輯]

2009年,無綫電視喺放學ICU時段內播出呢套動畫,而且比起其他動畫嚟講,呢套動畫有更加多嘅宣傳。無綫電視播放嘅片頭曲係由組合J.O.Y.所主唱嘅《擁抱春天》。無綫電視播放到《衣櫥大冒險》,之後就唔再繼續引進播放正作,只係播放《智趣羊学堂》,而2022年又引進咗《喜羊羊與灰太狼之運動英雄傳筐出勝利》。

總共有二十六套。

系列 系列名 集數 長度 首播日期 首播頻道 導演 主題曲 片尾曲
1 喜羊羊與灰太狼 530集 15分鐘 2005年8月3號 杭州電視台少兒頻道 黃偉明 古倩敏《別看我只是一隻羊》(國)
羅頌恩譚嘉荃《我只是一隻羊》(粵)
古倩敏《別看我只是一隻羊》
2 喜羊羊與灰太狼之羊羊運動會 60集 15分鐘 2008年10月23號[6] 中國中央電視台少兒頻道 黃偉明 古倩敏《別看我只是一隻羊》 古倩敏《別看我只是一隻羊》
3 喜羊羊與灰太狼之羊羊快樂的一年 100集 15分鐘 2010年5月1號 [7] 浙江衛視 黃曉雪 楊沛宜《別看我隻是一隻羊》 周筆暢《大家一起喜羊羊》
4 喜羊羊與灰太狼之奇思妙想喜羊羊 60集 15分鐘 2011年7月1號[8] 浙江衛視 譚淑君 喜羊羊童星合唱團《奇思妙想喜羊羊》 喜羊羊童星合唱團《奇思妙想喜羊羊》
5 喜羊羊與灰太狼之給快樂加油 100集 15分鐘 2011年10月15號[9] 浙江衛視 黃智龍 喜羊羊童星合唱團《給快樂加油》 喜羊羊童星合唱團《給快樂加油》
6 喜羊羊與灰太狼之競技大聯盟 60集 15分鐘 2012年6月30號[10] 浙江衛視 黃智龍 崔子格《快樂競技場》 崔子格《快樂競技場》
7 喜羊羊與灰太狼之開心日記 60集 15分鐘 2012年12月8號[11] 浙江衛視 黃智龍 古倩敏《別看我只是一隻羊》 古倩敏《別看我只是一隻羊》
8 喜羊羊與灰太狼之開心方程式 60集 15分鐘 2013年7月26號[12] 中國中央電視台綜合頻道 黃智龍 古倩敏《別看我只是一隻羊》 古倩敏《別看我只是一隻羊》
9 喜羊羊與灰太狼之懶羊羊當大廚 52集 25分鐘 2013年12月20號[13] 中國中央電視台綜合頻道 黃智龍 李紫昕 《懶羊羊當大廚》 李紫昕 《懶羊羊當大廚》
10 喜羊羊與灰太狼之羊羊小心願 60集 15分鐘 2014年7月30號[14] 金鷹卡通衛視 原創動力導演組 李紫昕 《羊羊小心願》 李紫昕 《羊羊小心願》
11 喜羊羊與灰太狼之衣櫥大冒險 60集 15分鐘 2014年9月4號[15] 金鷹卡通衛視 原創動力導演組 李紫昕《百變小裁縫》 李紫昕《百變小裁縫》
12 喜羊羊與灰太狼之媽媽樂瘋狂 60集 15分鐘 2015年2月12號 金鷹卡通衛視 原創動力導演組 李紫昕《媽媽樂瘋狂》 李紫昕《媽媽樂瘋狂》
13 喜羊羊與灰太狼之原始世界歷險記 60集 15分鐘 2015年8月17號 金鷹卡通衛視 陳健威 李紫昕《知己》 李紫昕《知己》
14 喜羊羊與灰太狼之嘻哈闖世界 60集 15分鐘 2016年1月15號 金鷹卡通衛視 蒲智康 李紫昕《嘻哈闖世界》 古倩敏《別看我只是一隻羊》
15 喜羊羊與灰太狼之羊羊小偵探 60集 15分鐘 2016年7月9號[16] 中國中央電視台少兒頻道 蒲智康 湊詩、李吉吉《羊羊小偵探》 古倩敏《別看我只是一隻羊》
16 喜羊羊與灰太狼之深海歷險記(嘻哈闖世界2) 60集 15分鐘 2017年1月9號[17] 金鷹卡通衛視 蒲智康、徐暢 化學《藍色漫遊》 古倩敏《別看我只是一隻羊》
17 喜羊羊與灰太狼之發明大作戰 60集 15分鐘 2017年7月12號[18] 金鷹卡通衛視 徐暢、陳輝衍 黃菁《發明大作戰》 古倩敏《別看我只是一隻羊》
18 喜羊羊與灰太狼之奇幻天空島(嘻哈闖世界3) 60集 15分鐘 2018年1月27號[19] 金鷹卡通衛視 蒲智康、陳輝衍、蔡玉瀅 湊詩《嘻哈闖雲端》 李紫昕《嘻哈闖世界》
19 喜羊羊與灰太狼之羊村守護者(發明大作戰2) 60集 15分鐘 2019年1月18號[20] 金鷹卡通衛視 黃曉雪 謝琳《勇敢向前》[註 1] 古倩敏《別看我只是一隻羊》
20 喜羊羊與灰太狼之跨時空救兵(嘻哈闖世界4) 60集 15分鐘 2019年7月12號[21] 金鷹卡通衛視 陳輝衍、黃俊銘 劉付新鴻《勝利的終點》 李紫昕《嘻哈闖世界》
21 喜羊羊與灰太狼之奇趣外星客[22](羊村守護者2) 60集 15分鐘 2020年1月10號 金鷹卡通衛視 黃俊銘 魏遵廣、謝琳《守護之光》 古倩敏《別看我只是一隻羊》
22 喜羊羊與灰太狼之異國大營救(羊村守護者3) 60集 15分鐘 2020年7月17號 金鷹卡通衛視 黃俊銘、胡丹 彭真顯《就在身邊》[23] 古倩敏《別看我只是一隻羊》
23 喜羊羊與灰太狼之筐出勝利[24]運動英雄傳 60集 15分鐘 2021年1月22號 金鷹卡通衛視 黃俊銘、陳力進 壹其《希望之籃》 古倩敏《別看我只是一隻羊》
24 喜羊羊與灰太狼之決戰次時代(羊村守護者4) 60集 15分鐘 2021年7月9號 金鷹卡通衛視 梁嘉琪、陳力進、黃俊銘 謝琳《創造未來》 古倩敏《別看我只是一隻羊》
25 喜羊羊與灰太狼之奇妙大營救(羊村守護者5、異國大營救2) 60集 15分鐘 2022年7月15號 金鷹卡通衛視 梁嘉琪、陳輝衍 謝琳《約定》 古倩敏《別看我只是一隻羊》
26 喜羊羊與灰太狼之勇闖四季城(羊村守護者6) 60集 15分鐘 2023年1月6號 金鷹卡通衛視 陳輝衍、何英強 蔡文灝《勇者之路》 古倩敏《別看我只是一隻羊》
27 喜羊羊與灰太狼之遨遊神秘洋(羊村守護者7) 60集 15分鐘 2023年7月6號 金鷹卡通衛視 胡丹、容裕慶 李汶鈿、莫海彤《航向未來》 古倩敏《別看我只是一隻羊》

注:60集嘅動畫《喜羊羊與灰太狼之古古怪界大作戰》(281-340集)實際係屬於第1套,而並唔係同後嚟嘅作品一樣單獨列出嚟一部。

電影版[編輯]

2009年,動畫嘅電影版《喜羊羊與灰太狼之牛氣沖天》喺農曆新年檔期上畫,而且大獲好評。

總共有八套動畫電影、兩套真人版電影。

# 中國大陸上畫日期 香港上畫日期 台灣上畫日期
1 喜羊羊與灰太狼之牛氣沖天 2009年1月26號 2009年8月27號 - 套片上畫之後取得咗極大成功。以唔夠600萬嘅投資獲得咗8000萬嘅票房,兼夾獲得中央電視台《新聞聯播》嘅肯定[25]
2 喜羊羊與灰太狼之虎虎生威 2010年1月29號 2010年2月13號 2010年7月23號 -
3 喜羊羊與灰太狼之兔年頂呱呱 2011年1月21號 2011年4月21號 2011年4月1號 -
4 喜羊羊與灰太狼之開心闖龍年 2012年1月12號 2012年4月5號[26] 2012年1月20號 -
5 喜羊羊與灰太狼:我愛灰太狼 2012年8月10號 2013年4月4號 - 《喜羊羊與灰太狼》系列首套真人版電影,用咗前所未有嘅動畫+真人嘅模式。要片主要講述灰太狼一家同懶羊羊穿越到人類世界之後發生嘅故事。
6 喜羊羊與灰太狼之喜氣羊羊過蛇年 2013年1月24號 2013年2月9號 - -
7 喜羊羊與灰太狼:我愛灰太狼2 2013年8月1號 - - -
8 喜羊羊與灰太狼之飛馬奇遇記 2014年1月16號 2014年1月30號 - -
9 喜羊羊與灰太狼之羊年喜羊羊 2015年1月31號 2015年2月19號 - 由黃偉明(創作嘅人)導演,並首次將生肖大電影嘅主角加懶羊羊。
10 喜羊羊與灰太狼之筐出未來 2022年2月1號 - - 係《喜羊羊與灰太狼之筐出勝利》嘅改編續作。

網絡短劇[編輯]

  • 喜羊羊遊世博(2010)
  • 洋洋得意喜羊羊(2015)
  • 漫鏡頭(2016)
  • 智趣羊學堂系列
    • 動植物篇(2016)
    • 運動篇(2016)
    • 地球嘉年華(2017)
    • 羊羊遊世界(2017)
    • 奇幻成語書(2018)
    • 羊羊來尋寶(2018)
  • 嫁人就嫁灰太狼(2017)
  • 羊羊趣冒險系列
    • 羊羊趣冒險(2020)
    • 羊羊趣冒險2(2021)

[編輯]

  1. 早期宣傳中名為《勇敢的心》

參考[編輯]

  1. 喜羊羊與灰太狼(新浪)
  2. . 原著喺2008年9月14號歸檔. 喺2009年7月18號搵到.
  3. . ent.sina.com.cn. 喺2019-11-12搵到.{{cite web}}: CS1 maint: url-status (link)
  4. . www.greengarden.org.cn. 原著喺2020-04-30歸檔. 喺2019-11-12搵到.
  5. 詳細可以參考電影版《喜羊羊與灰太狼之兔年頂呱呱》
  6. 畫片羊羊運動會月精彩亮相(組圖). . 2008-07-21. 喺2019-12-13搵到. {{cite news}}: Cite has empty unknown parameter: |dead-url= (help)
  7. 一季喜羊羊五月衛視首播 共度快樂的一年. 21CN娛樂. 2010-04-30. 原著喺2014年8月11號歸檔. 喺2019-12-13搵到.
  8. 思妙想喜羊羊播 新"喜羊羊"更具童真. . 2011-07-06. 喺2019-12-13搵到.
  9. "懶羊羊"外傳熱辣出爐快樂加油. . 2011年10月10號. 喺2019-12-13搵到.
  10. "喜羊羊"加入技大聯盟. . 2012-07-06. 原著喺2019-12-12歸檔. 喺2019-12-13搵到.
  11. "喜羊羊與灰太狼"最新係列心日記. . 2012年12月8號. 原著喺2019年12月12號歸檔. 喺2019-12-13搵到.
  12. 心方程式羊羊與灰太狼都成了有"車"一族. . 2013-07-19. 原著喺2019-12-12歸檔. 喺2014-08-08搵到. 今年“喜羊羊”8周年最新力作《喜羊羊與灰太狼之開心方程式》將在近期開播。據悉今年“喜羊羊”係列動畫也將正式突破1000集,成為最長青的國產原創動畫之一。
  13. 節檔期電影票房破紀錄 9隻概念股有望爆發. (簡體中文). 2014-02-10. 歸檔時間2014-08-08. 喺2014-08-08搵到. 電視版《喜羊羊與灰太狼》自2005年6月推出後,最高收視率達17.3%,目前仍是國內最經典、最受歡迎的動畫品牌,2013年11月市場又推出《喜羊羊小頑皮》手遊產品,12月推出最新一部動畫片《喜羊羊與灰太狼之懶羊羊當大廚》,都為大電影造勢。{{cite news}}: CS1 maint: bot: original URL status unknown (link)
  14. "喜羊羊"新劇暑期首播 十年經典歡樂不斷. . 2014-07-30. 原著喺2019-12-13歸檔. 喺2014-08-06搵到.
  15. 羊羊上演"開學大戲",灰太狼發明"衣聯網". www.cpecartoon.com. 原著喺2019-07-23歸檔. 喺2019-12-13搵到.
  16. "羊小偵探視將播 喜羊羊灰太狼鬥智破案". . 2016-07-07.
  17. "喜羊羊全新動畫片今晚首播展開海底探險之旅". . 2017-01-09.
  18. "明大作戰天開播,被讚劇情滿分". . 2017-07-12. 原著喺2019-07-26歸檔. 喺2019-12-12搵到.
  19. ""WE ARE BACK!嘻哈火車一飛沖天!"". . 2018-01-23.
  20. 檔 呼叫"羊村守護者"們!新MV強勢上線啦!.
  21. 羊羊喊你起程去冒險!時空救兵日開播!_手機搜狐網. m.sohu.com. 喺2019-12-13搵到.
  22. 村飛來"奇趣外星客"?親身體驗動畫製作、配音~. mp.weixin.qq.com. 喺2019-08-15搵到.
  23. 羊角包. 题曲揭晓丨国大营救"声"夺人,欢迎来到猫的乐园!. . 喺2020-06-24搵到.
  24. 羊角包. . . 喺2020-09-29搵到.
  25. [视频]羊羊与灰太狼国票价降为5元_CCTV.com_中国中央电视台. news.cctv.com. 喺2019-12-13搵到.
  26. 羊羊與灰太狼4之開心闖龍年. 原著喺2014年2月23號歸檔. 喺2019年12月13號搵到.