嘉禾望崗站

出自維基百科,自由嘅百科全書
跳去: 定向搵嘢
嘉禾望崗
Jiahe Wanggang
GaaWoMongGongZaam WORD.jpg
嘉禾望崗站嘅站名
車站概覽
車站位置 白雲區白雲大道北嘅西邊,嶺南新世界花園嘅西北邊地底
坐標 23°14′24.8″N 113°17′10″E / 23.240222°N 113.28611°E / 23.240222; 113.28611Coordinates: 23°14′24.8″N 113°17′10″E / 23.240222°N 113.28611°E / 23.240222; 113.28611
車站色     
經過路線 2 3
啟用日期 2號綫:2010年9月25號
3號綫:2010年10月30號
月台 2
出入口數 3
營運資訊
車站服務時間 06:00——23:10
列車服務時間 05:55——00:23
廣州地鐵2號綫
廣州南站黃邊站 | 終點► 去嘉禾望崗站
廣州地鐵3號綫
白雲大道北站體育西路站 | 龍歸站► 去機場南站

嘉禾望崗站粵讀gaa1 wo4 mong6 gong1 zaam6英文Jiahe Wanggang Station)係廣州地鐵2號綫同埋3號綫嘅轉車車站,規劃時期嗌過嘉禾站gaa1 wo4 zaam6Jiahe Station),喺2010年9月25號開始營運[1]。呢個站喺白雲區白雲大道北嘅西邊,嶺南新世界花園嘅西北邊地底,有3個出入口。呢個站既係廣州地鐵嘅歷史入面第一個跨月台嘅轉車車站,又係廣州地鐵2號綫嘅北邊總站(永久嘅終點站)。因為2號綫嘅規劃嚟到呢度就唔再繼續延長喇。

車站嘅結構[編輯]

樓層[編輯]

地面 站廳 站廳、售票機、客服中心
地下
一樓
設備區 車站嘅設備
緩衝層 聯絡兩邊嘅月臺
地下
二樓
月臺 3號綫列車往龍歸站機場南方向)
島式月台,開左邊門(3),開右邊門(2
月台 2號綫終點月台
月臺 2號綫列車往黃邊站廣州南站方向)
島式月台,開左邊門(3),開右邊門(2
月台 3號綫列車往白雲大道北站體育西路方向)

站廳[編輯]

嘉禾望崗站係2號綫同3號綫入面,唯一一個用咗地面站廳嘅車站,而站廳嘅免費區有3個出入口畀唔同方向嘅乘客入站同出站都得。入面重有商舖、自助服務設施、售票機同埋客服中心。而站廳嘅收費區重有好多部專用𨋢同埋扶手電梯、樓梯嚟去到月台嗰邊。為咗方便啲去機場嘅乘客,站廳入面重設咗航班查詢嚟。

月台[編輯]

嘉禾望崗站嘅站廳
嘉禾望崗站嘅站台
柱上面啲字

呢個站有2個島式月台,喺嶺南新世界花園西北邊嘅地底,佢重係2號綫同3號綫嘅跨月台轉車站。

2號綫嘅月台全景(終點站月台,喺2014年8月6號影。)
3號綫嘅月台全景(去體育西路/番禺廣場嗰邊,喺2014年8月6號影。)

由於2號綫嘅規劃工程已經全部結束,冇得再延長落去喇,所以呢個站嘅2號綫喺站後折返綫入面整咗特別設計:

  • 車站前面:有條渡線畀列車喺到站之前返轉頭
  • 車站後面:下行路軌同上行路軌之間有條單渡綫畀列車喺到站之後返轉頭。

而下行路軌喺渡線嘅前面有條路軌分岔出嚟。其中一條係去嘉禾車輛段。而上行路軌就直接斷咗,佢嘅前面係車站設備區,冇得再延長落去。而2號綫嘅南邊終點站——廣州南站都係同佢差唔多噉整。

商舖同自助服務[編輯]

而家嘅嘉禾望崗站入面有好多唔同類嘅鋪頭畀乘客買嘢同埋食嘢,好似有便利檔、麵包檔、書店同洗衫舖等。

另外,嘉禾望崗站入面重有自助服務設施畀乘客用,包括咗民生銀行嘅自動櫃員機、自動販賣機、自動影相機等;重有好易機嚟充羊城通,交水電費同交通嘅罰錢呢尐服務。下面有寫清楚呢個站係有乜鋪頭同自助服務響度:

出入口[編輯]

編號 標記 去到邊度
出入口A 規劃七路 廣州市疾病預防控制中心、地鐵嘉禾望崗巴士總站
出入口B 望崗大道 望崗大道、嘉禾望崗巴士站
出入口C 規劃道路 望崗大道
註: 有盲人引導徑 | 出入口都喺同一層樓

車站歷史[編輯]

規劃時期[編輯]

2號綫3號綫[編輯]

喺1997年嘅《廣州市城市快速軌道交通線網規劃研究(最終報告)》入面話咗,呢個站係2號綫嘅中途站。後嚟喺2000年嘅近期線網規劃調整方案入面,就將2號綫縮短到呢個站,而另外規劃咗一條新嘅機場快綫經過呢度,重將2號綫嘅北邊總站定咗喺而家呢個站嗰邊。而2003年嘅規劃方案入面,機場快綫改成係3號綫嘅一部份。而呢個站就設計成跨月台轉車站,重加入咗嗰時二八號綫延長段嘅工程入面。

14號綫[編輯]

而家廣州地鐵14號線喺度起緊,重喺依家嘅嘉禾望崗站西邊嘅地下整咗個站方便2號線、3號線嚟轉車。雖然話依家嘅車站冇預留到轉14號線,但係將來,呢兩個站嘅地面站廳將會整埋一齊嚟通過站廳轉車。而14號線嘅月臺喺負二樓。重有14號線嘅車站上面,估計會發展地鐵上蓋物業。

施工時期[編輯]

2號綫3號綫[編輯]

2號綫方面,由於舊嘅白雲機場喺2004年就搬走咗,而白雲新城就喺2007年先至搞掂嗮。條綫嘅北延段經過政府批准,終於喺2008年正式開始逳手起。而3號綫方面就率先喺2007年5月14號開始逳手起,足足比2號綫早咗1年。而呢個站喺2010年5月份就封咗頂。

14號綫[編輯]

而14號綫方面,喺2014年3月先至開始逳手起,而家重喺度起緊。

點解呢個站名係嗌「嘉禾望崗站」,唔嗌「嘉禾站」?[編輯]

本嚟規劃嗰陣時係嗌「嘉禾站」嘅係因為呢個站喺嘉禾地區,但喺2008年11月3號,廣州市民政局發佈咗公告,由於呢個站喺嘉禾村同埋望崗村之間,為咗方便呢兩個村,所以就以呢兩個村嘅名合做「嘉禾望崗站」。[2]

通車[編輯]

2010年9月25號,呢個站嘅2號綫區域正式開放,而3號綫方面就時隔1個月05日(2010年10月30號)先至開埋3號綫區域。

利用狀況[編輯]

由於呢個站附近嘅地區到而家為止都重未開發,所以呢個站啲乘客都係2號綫3號綫同埋出站轉巴士啲人。重有一小部分住喺嘉禾同望崗呢兩個村之間嘅人。

轉車須知[編輯]

無論係坐地鐵3號綫或者係2號綫,到咗嘉禾望崗站嘅話,落車之後如估想轉綫,就直接行過去對面嘅站臺等車就得喇,唔使再出站咁無哩頭

但係,如估你係坐緊2號線啱好到咗總站或3號線(去機場南方向)啱好到咗呢個站,想話去番禺廣場廣州南站方向嘅話,必須要行出去站廳,再行過去另一個有2號線或3號線嘅站台入面轉車,冇入咗去14號線嘅站台喇。因為14號線嘅站臺唔去機場、市區同廣州南站。加上嗰度重係個施工地帶。

[編輯]

上一站·下一站[編輯]

上一站⇚⇚    廣州地鐵    ⇛⇛下一站
黃邊站
廣州南站
嘉禾望崗站
2號綫
終點
白雲大道北站
體育西路站
嘉禾望崗站
3號綫
龍歸站
機場南站