四角號碼

出自維基百科,自由嘅百科全書
跳去: 定向搵嘢
法(fǎ)字的號碼:34131.

四角號碼中文詞典常用嘅檢字方法之一,把筆劃分成十類,用最多五個阿拉伯數字嚟對漢字進行歸類。

四角號碼檢字法由王雲五發明,而高夢旦就係“附角”嘅發明者,佢並喺1925年5月作咗《號碼檢字法》由商務印書館出版。1926年9月,《四角號碼檢字法》單行本出版,有蔡元培胡適等作序。1934年1月,《四角號碼檢字法》(附檢字表)出版,加埋高夢旦嘅序。

四角號碼檢字法用數字0到9去表示一個漢字四角嘅十種筆形,依序攞字嘅左上、右上、左下、右下角的筆劃,攞到四組數字,有時就喺最後加一個位嘅補碼,所以最多為五碼。

四角號碼檢字法歌仔[編輯]

胡適曾經作過歌訣來記住四角號碼:「一橫二垂三點捺,點下帶橫變零頭,叉四插五方塊六,七角八八小是九。」後來編《四角號碼新詞典》嘅時候,黃維榮改成而家通行嘅版本。

橫一垂二三點捺,
叉四插五方框六;
七角八八九是小,
點下有橫變零頭。

規則[編輯]

每字攞左上角、右上角、左下角、右下角四筆。可以攞複筆時應該攞複筆。字上部或者下部剩係得一筆形嘅時候作左角,右角作0。用過的筆形再填他角亦都作0。由「囗」「門」「鬥」組成嘅字,下角攞內部筆畫,但外圍有其他筆畫嘅時候例外。附角喺右下角之上最貼近而露鋒芒一筆,如該筆已經用過,則附角係0。

睇吓[編輯]