回樽

出自維基百科,自由嘅百科全書

按樽係賣裝飲品嘅一個規定。啲嘢飲用樽入住,客人買嘢飲要先畀埋按樽錢(樽嘅按金)。客人飲完懶得理,冇回樽嘅話,按金就俾販商沒收。

按樽按金用意係補償販商損失,而家回樽又叫做環保政策。一般來講,多數都係只會回玻璃樽,而且好多地方嘅回樽制度都只係象徵式,例如:香港只係五毫子港幣一個玻璃樽,美國就十美仙一個樽。[咩時候?]不過喺紐西蘭,佢哋採用咗一種叫做「swappa carte」嘅計劃,鼓勵民眾一箱箱咁買飲品之餘,重畀返佢地購買折扣[1][2]。就以一打樽裝啤酒為例子:一箱12支嘅瀎裝啤酒正價賣紐紙40蚊,但係如果你成箱啤酒樽連埋啤酒箱拿返去,你就可以用紐紙24蚊買返一箱12支嘅補充裝,慳返4成[1]

不過,亦有地方連膠樽都會回收再用。例如喺日本,就有例子為每個回收返來嘅膠樽退返10至20円[3]。另外,喺瑞典,當地為咗減低塑膠垃圾,所以訂立咗法例規定所有膠樽喺重新變返做膠粒循環再用之前,都要經歷過20年嘅使用期,而生產商有責任生產一個耐用嘅膠樽,同埋負責清洗收返來嘅舊樽嚟再用。為咗鼓勵大眾交返個樽出來,當地都會為膠樽設回樽費。

參考[編輯]

  1. 1.0 1.1 "Swappa Carte". Travel Blog. 2007-02-25. 喺2009-08-05搵到.
  2. 慳得就慳第二季,2009-08-05,明珠台
  3. 泉水可回樽每個1.5元. 2008-10-08. 喺2009-08-05搵到.