國產凌凌漆

出自維基百科,自由嘅百科全書
(由國產凌凌漆 (電影)跳轉過嚟)

《國產凌凌漆》


IMDB頁(出面網頁)

出品地區: 香港
語言: 粵語
彩色/黑白: 彩色
片長: 90分鐘
級別: 香港:II
分類: 喜劇
編劇: 周星馳張兆麟
主演: 周星馳袁詠儀羅家英
導演: 李力持周星馳
出品公司: 永盛娛樂
發行時間: 1994年

國產凌凌漆》(英文From Beijing With Love)係周星馳1994年粵語電影作品,主要演員重有袁詠儀同埋羅家英等。

背景同埋簡介[編輯]

呢套電影嘅背景發生喺現代;而有睇開電影嘅觀眾都唔難睇得出,佢其實係刻意咁模仿外國嘅特務片——《占士邦007》電影系列,將劇情加入咗中國特色原素,同埋通俗嘅諷刺,造成好誇張嘅搞笑效果。喺片入面,周星馳將特工嘅形象嚟個大轉變,佢將占士邦呢啲好似無所不能同埋打極都唔超人形象通俗化:主角凌凌漆係一個叫雞(召妓女)冇錢畀,要賒數、週身爛撻撻、鍾意用角叼住支嘅市井之人,之不過呢個佢就刀法如神,力發千鈞,心地重幾善良,可以話集齊好色同英雄氣息喺身,極盡諷刺之能事;套戲唔單只玩殘外國特工嘅瀟灑形象,就連喺香港出嘥名嘅鬼才導演王家衛,佢拍嘅戲都避免唔到俾周星馳攞嚟玩番下。

另外,本片嘅劇情因為有對中國官兵嘅行為有啲「特別」嘅描寫,可能因為咁而俾中國大陸方面列咗做禁片,唔准喺大陸播放,而當香港無綫電視翡翠台播呢套電影嗰時,大陸轉播嘅電視台會喺嗰段時間播其它電影或者旅遊節目。

劇情大綱[編輯]

周星馳喺片入面飾演一個叫凌凌漆嘅人,佢表面上係個豬肉佬,但其實亦係一個俾國家雪藏咗嘅過氣特工。今次因為有件被列為國寶級嘅恐龍頭骨俾個叫金鎗人皮怪客搶咗去,組織嘅高官就派咗阿漆去香港進行搶返恐龍頭骨嘅任務,但喺香港同佢接頭嘅女特工李香琴其實亦係金鎗人嘅手下,佢嘅任務就係要殺死阿漆,等國家冇辦法再搶返恐龍頭骨,於是令到阿漆執行任務嘅過程驚險重重,死裏逃生。雖然係咁,但係阿漆憑住佢準繩嘅飛刀絕技,同埋一把重量非凡兼鋒利無比嘅,消滅咗金鎗人同埋幫佢偷運國寶嘅組織,完成咗國家指派嘅任務之餘,過程中重感化咗阿琴呢個雙面女特工,最終抱得美人歸。

向 007 電影「致敬」[編輯]

向其他電影以及音樂「致敬」[編輯]

無厘頭幽默[編輯]

  • 羅家英飾演嘅「達聞西」,經常要提醒阿漆叫就要叫晒佢全名,唔好「聞西」前「聞西」後咁,係因為呢個詞嘅廣東話發音有影射幫女性口交,聞著個「」嘅意思。
  • 超級武器霸王——「攞你命3000」,其實原來係當時一部低成本拍攝嘅片。
  • 片尾刀上的嘅題詞係「民族英雄——小平贈」,映射六四事件鄧小平為解放軍戒嚴部隊嘅題字。
  • 片中凌凌漆因為中彈而要喺無用麻醉藥嘅情況下做手術,佢模仿「關雲長下棋刮骨療傷」,而用鹹片來麻醉自己。嗰套鹹片係Traci LordsEducating Mandy(中文名:春潮爛漫海棠紅)。

經典台詞[編輯]

  • (當阿漆擺緊豬肉檔嘅時候)
妓女:「你以為你暱嚮度就搵你唔到咩?無用呀!好似你啲咁出色嘅男人,無論嚮咩地方,都好似漆黑中嘅螢火蟲一樣,咁鮮明,咁出眾!你憂鬱嘅眼神,唏噓嘅根,神乎奇技嘅刀法,同埋嗰杯Dry Martini,都徹底咁嘅將你出賣咗。雖然你係咁出色,但係行有行規,無論點你都要找埋尋晚嘅過夜數,叫雞唔使畀錢呀?」
阿漆:我重以為我哋嘅交往係建立嚮感情之上,估唔到原來只係一盤生意!
妓女:咁講感情都要畀錢㗎
阿漆:明白嘅,但呢排啲人都食齋,攞住抽豬肉頂住數先
  • (阿漆同聞西俾中央徵召嘅時候)
聞西:(一路行一路問)阿漆,呢十年嚟你一直都喺度賣豬肉呀?
阿漆:唔係,只不過係一個唏噓嘅豬肉佬。
聞西:我又何嘗唔係一個坎坷嘅賣仔呢,好彩,我嚮中央精神病院嗰邊有一份兼職,做研究工作。
司令:做啲咩研究?
聞西:俾人研究。
司令:(點一點頭)唔錯!
  • 呢個表面上係一個風筒,但係呢道有一層白金屬網膜,事實上,佢係一個鬚刨
  • (阿漆俾阿琴嘅暗射中,返到屋企後,阿漆叫阿琴幫佢喺大髀度攞返粒子彈出嚟嘅時候)
阿漆:古時有關雲長全神貫注捉象棋療毒,今日有我凌凌漆聚精會神睇鑿骨攞頭。
  • (當阿漆佢哋返到去總部決戰金鎗人嘅時候)
聞西:(扯開件外套廢物?!我費咗一生嘅精力,集合十種殺人武器於一身嘅超級武器霸王,產品編號「攞你命3000」終於研究成功啦!阿漆!企遠啲,遠啲,再遠啲!
金鎗人:係咩?咁我真係想見識見識。
聞西:「攞你命3000」!!西瓜單車火藥硫酸毒藥手鎗手榴彈三角銼,每一樣都能夠獨當一面,而家集合埋一齊……問你怕未?

主要場景拍攝地點[編輯]

主要出場人物同埋演出者[編輯]

出面網頁[編輯]