團一大紀念廣場
團一大紀念廣場（粵拼：tyun4 jat1 daai6 gei3 nim6 gwong2 coeng4）係喺中國廣東省廣州市入面嘅其中一個攞咗共青團做主題嘅文化廣場，而呢個廣場係成個廣東省入面，第一個以共青團做主題嘅歷史文化主題紀念廣場。而呢個廣場喺2012年5月7號起好[1]，喺越秀區嘅越秀南路同東園橫路、挹翠路交界嘅西北邊。
主要紀念對象[編輯]
喺1922年5月5號——10號，中國社會主義青年團第一次全國代表大會喺廣東省廣州市嘅東園度開咗。而喺北京、上海、天津、南京、廣州、長沙、武昌、唐山、保定、太原、杭州、潮州同佛山等15個城市地區代表團嚟嘅25位代表參加咗呢次大會。會入面通過咗《中國社會主義青年團綱領》同《中國社會主義青年團章程》等呢6個決議案，重將中國社會主義青年團第一屆中央執行委員會整咗出嚟。開咗呢次會之後，話中國社會主義青年團已經正式成立咗。
地鐵站改名之爭[編輯]
睇埋：團一大廣場站
2011年12月30號，廣州市民政局出咗份第271期嘅地名改名公告就話，將地鐵嘅「越秀南站」改名嗌「團一大廣場站」，喺民眾聽到有「團一大廣場」嘅嘢就猛咁畀人鬧，唔知「團一大廣場」係乜杘。後嚟廣州地鐵喺官方微博度話：「根據廣州市嘅相關法例，地鐵站嘅改名係由民政局地名辦話事嘅，詳細嘅嘢唔該問下佢」。但係廣州民政局地名辦出嘅改名通告就話申請改地鐵站名嘅，咁啱就係地鐵公司話改就改嘅[2]。
附近嘅建築[編輯]
參攷[編輯]
- ↑ “团一大”纪念广场今落成揭幕 互聯網檔案館嘅歸檔，歸檔日期2019年5月15號，. 網易 喺2012-05-08搵到
- ↑ 〈广州地铁"越秀南站"更名遭质疑〉. 《羊城晚报》. 网易. 2012-01-02. 原著喺2019-05-15歸檔. 喺2012-05-07搵到.