培生學術英語考試

出自維基百科,自由嘅百科全書

培生學術英語考試英文Pearson Test of English Academic,簡稱PTE Academic;又譯做PTE學術英語考試)係由金融時報嘅母公司英國培生集團英文Pearson Plc以及GMAT嘅開發機構GMAC(管理專業研究生入學考試委員會)共同研究主辦嘅新一代國際性英文水平測試,2009年10月26號推出。

  • 培生學術英語考試係一款完全基於電腦評分嘅英文水平考試。
  • 為大學、高等學術機構、政府部門等專業組織提供全方位嘅學術英文能力衡量。
  • 2009年11月4號培生學術英語考試正式登陸中國大陸,目前喺北京、上海同廣州三地都有得考。
  • 培生學術英語考試目前獲得超過900個機構部門認可,平均分佈喺美國、英國、加拿大、澳洲以及愛爾蘭等多個國家同埋地區。

考試特點[編輯]

  • 托福雅思相似,培生學術英語考試以說寫、閱讀、聽力三個部分嚟測試考生英文能力。每部分都包括唔同嘅考察範圍,考察考生全面嘅綜合能力(integrated skills),由呢個角度嚟講佢更似新托福(TOEFL iBT)。
  • 考試時間係單一嘅3個鐘。
  • 考試喺電腦平台上進行(computer-based),相對於雅思嘅傳統卷面答題,培生學術英語同新托福嘅網上答題(internet-based)平台更為接近。
  • 同傳統嘅人手改卷唔同,培生學術英語採用全自動嘅機械評分,考生五日就可以知成績。
  • 考試有效期同托福雅思一樣,都係兩年;
  • 培生學術英語考試結合以下幾項特點:
    • 多種口音同埋學術用語喺試題中出現,貼近現實情況。
    • 總分範圍由10到90,分為6個分數等級。

考試形式[編輯]

  • 全場考試要一次完成,考試時間總共大概係三個鐘。
  • 成個考試分成說寫,閱讀同埋聽力三個部分。除此之外,重有一個短暫嘅自我介紹以及10分鐘嘅選擇性休息。
  • 除咗考試成績以外,考生會獲得一份詳細嘅成績報告單,包括考生嘅個人信息同埋相,考生總分,以及各部分嘅分項成績。

口語及寫作試題[編輯]

  • 呢部分試題主要測試考生嘅英文口語以及書面表達能力,平均考試時間大概77-93分鐘,題型包括朗讀、重複短句、描述圖像、複述文章、回答問題、概括文章大意以及簡短寫作。

閱讀試題[編輯]

  • 閱讀部分平均考試時間大概32-41分鐘,考試內容同傳統閱讀相似,包括單項、多項選擇題、重組段落以及填充。

聽力試題[編輯]

  • 呢部分試題主要測試考生對英文口語嘅聽力理解能力,平均考試時間大概45-47分鐘。
  • 考試嘅錄音材料包括唔同嘅英文口音,例如英式英文、美式英文以及澳洲英文。
  • 考察內容包括概括、多項選擇、填充以及聽寫。

報名同考試時間選擇[編輯]

  • 培生學術考試要求考生要年滿16歲。
  • 年齡介乎16至18歲嘅考生,要家長或者監護人提供簽名嘅同意書。同意書表格可以喺當地培生客戶服務部門攞到。
  • 註冊考試嗰時,考生要提供詳盡準確嘅個人信息,包括姓名、家庭地址、電子郵件、出生日期以及國籍等。
  • 完成註冊後,考生會喺一兩日內收到電子郵件,確認考生嘅用戶名同埋密碼。
  • 考生登入自己嘅賬戶之後,可以查到具體嘅考試地點同日子。考生可以根據自己嘅情況自己決定同埋改考試細節。

官方網站[編輯]

參考[編輯]