堅尼地城

出自維基百科,自由嘅百科全書
跳去: 定向搵嘢
嚮摩星嶺(圖左)同龍虎山(圖右)之間嘅堅尼地城

堅尼地城(以前寫堅彌地城英文Kennedy Town)係喺香港島西環西面嘅地方,行政上係歸中西區

堅尼地城因為喺維多利亞城四環九約嘅西環裏面,所以亦都係維城一部份。

歷史[編輯]

堅尼地城係以前英國派嚟管香港嘅第7任港督──堅尼地(Sir Arthur Edward Kennedy,1809年4月5日-1883年6月3日)──命名,佢喺1872年1877年嗰段時間管治香港。

地理同環境[編輯]

堅尼地城東面係石塘嘴,南面近薄扶林,西面係摩星嶺,呢處有馬路上去山或者去大口灣沙灣薄扶林,再出啲已經係,而北面就係維多利亞港嘅西端,可以望到九龍西部。向西北望有青洲小青洲兩個島。

雖然佢嘅氣候同香港其他地區差唔多,冬天一般嚟講都冇新界,但係因為佢嚮正港島嘅北部,對住海之餘,北面又冇乜嘢擋住,所以冬天一有偏北嘅季候風就食到正。

由於嗰區比較早開始發展,而家入面重有好多唐樓同其他舊樓,好多樓齡都有成40年以上,其中觀龍樓亦都係喺呢區。不過,隨住啲舊樓慢慢咁,近年都有一啲新樓入伙,例如泓都就係比較出名嘅一批啦。

同時,因為地鐵(家下港鐵)要起西港島綫,嗰區可能會有好大轉變,例如有啲樓可能要拆(要就番地鐵啲工程),入面個泳池都可能因為咁而要拆,不過地鐵公司就話佢地會搵個地方起好咗個新嘅,先至拆舊嗰個。另外亦有人估地鐵通車會帶旺嗰區。

另外,嗰區嘅最西端有個殮房同埋一個荒廢咗嘅屠房

交通[編輯]

嗰區因為響市區邊邊,所以有電車同埋好多條巴士綫嘅總站,亦都有唔少小巴九龍同埋港島其他地方。雖然嗰度啲車開得都算幾密,但係佢人口密度都算高,喺繁忙時間搭車可能都會有啲難、有啲慢。

香港行政會議2005年6月通過地鐵開始規劃起西港島綫,條綫由上環向西伸延,經西營盤大學去到堅尼地城,地鐵初頭預計呢條綫會喺2011年完工(後來延遲至2014年),到時由堅尼地城去銅鑼灣大概要12分鐘[1]

參考[編輯]

  1. MTR West Island Line and South Island Line

睇埋[編輯]