堅 (經歷司)

出自維基百科,自由嘅百科全書
跳去: 定向搵嘢
堅之玉照

[1] (William Caine;1798年),係香港開埠官員。因爲香港草創之初,制度尚未完備,堅一身多職。計有軍官、裁判官、差役總長、監獄總長,亦係接手經歷司,亦一度做署理港督,歷時十八年。香港島半山堅道堅巷,就以佢爲名。

堅當時係芸芸英人之中,最爲在港唐人悉知。

生平[編輯]

堅一七九八年喺英倫出世,幼年帶去印度,喺軍隊大,初時負責執頭執尾[2]。一八五九年退休去英國。死年不詳。

[編輯]

堅入英軍,本來係第卌一團嘅人,卌一團係步兵團,期時駐印度一帶[3]。佢職至今日叫嘅上尉(Captain)。一八三三年十月廿七號,佢同派禮士(Richard Price)對掉,轉咗去廿六團[4]。第廿六團,同係步兵團,亦名金馬倫(Cameronian),期時亦駐印度。喺鴉片戰爭之時,個團派咗去同大清打仗,而堅其時係一團之首,之後移到香港[5]

一八三九年,大英大清開始鴉片戰爭。英軍佔領舟山。堅上任做,今日叫嘅首席裁判官(Chief Magistrate),有如大清縣長

一八四一年一月廿六號,英國人按穿鼻草約登陸香港島水坑口,當時大清英國都未有確認,直至一八四二年江寧條約始定。之不過英國人照開埠,籌組政府,當時香港之首係義律,因爲堅喺有舟山經驗,識治理唐人,就係理想人選。堅答應留港上任。一八四一年四月卅號,佢任爲香港政府首位裁判官,三年後,一八四四年,立香港差役。有犯人就要有監獄,佢立監獄,又係監獄之長。

一八四六年,堅升至經歷司(Colonial Secretary),兼任核數司(Auditor General)[6][7],成香港總督副手。一八五四年,就只做經歷司。一八五九年九月,堅離任,經歷司之位,由前港督爹核士之姨甥,接手。

軍隊方面,一八五一年十一月十一號,其軍階由今日叫嘅少校(Major),升做今日叫嘅中校(Lieutenant Colonel),半薪,仍然唔屬任何軍團[8]

堅長年留喺香港,比英廷任命嘅香港總督重要耐。除咗開埠之首,英國駐華商務大臣義律之外,亦事首幾任總督,計有砵甸乍爹核士般咸寶寧羅便臣。一八五九年五月寶寧離任,不在港,堅就做署理香港總督,總理香港事宜,直至一八五九年九月,羅便臣接任港督。一八五九年九月廿八號,堅退休。

堅集司法同行政於一身,所以得罪佢無好結果。泰倫(William Tarrant)係當時香港公務員,其人正直,向上司舉報,堅嘅買辨,以堅之名貪污,結果無得做公務員。佢不服,搞《華友西報》(The Friend of China),時時批評堅不是,到最後,喺堅退休離港前一日,爆佢大鑊。結果堅延遲離港告佢,賣起所有狀師,等佢自己出庭答辯,因而下囚同罰款[9]

[編輯]