塞浦路斯聯合國緩衝區

出自維基百科,自由嘅百科全書
跳去: 定向搵嘢
塞浦路斯島地圖(灰色嘅係塞浦路斯聯合國緩衝區

塞浦路斯聯合國緩衝區UN Buffer Zone)又通稱做綠線Green Line),係一條西北-東南方向貫穿塞浦路斯中部嘅緩衝隔離線,全長約莫187英里(301公里),將控制個南部嘅塞浦路斯(希臘塞浦路斯)同埋控制個島北部嘅北塞浦路斯(土耳其塞浦路斯)隔開。

呢條緩衝區大致係依尋1974年土耳其出兵進佔塞浦路斯島時,喺佢哋所佔領嘅區域外圍所劃嘅「綠線」(停火線)而設。綠線以北嘅土地面積佔塞浦路斯島37%,家陣係由土耳其所支持同承認嘅北塞浦路斯政權控制中。綠線除咗貫穿塞浦路斯之外,又同時穿越咗塞浦路斯嘅首都尼科西亞,將呢個城市一分為二,無論係原本嘅塞浦路斯政府抑或係後成立嘅北塞浦路斯政府,都將尼科西亞定做佢哋嘅首都。

原本嘅南北塞浦路斯隔離線裝置有包括水泥牆有刺鐵絲網暸望塔反坦克溝渠同埋地雷區之類嘅阻隔設施,戒備好森嚴。家陣呢條隔離線係由聯合國維和部隊負責巡邏管理。

2003年4月起,北塞浦路斯嘅土耳其裔政權喺長達30嘅封鎖之後,第一次開放咗呢條隔離線嘅邊界,畀隔離區南北兩便嘅人民互相去到對面拜訪旅遊。