壯族

壯族/僮族

壯族名人肖像 儂智高 • 陸榮廷 • 岑春煊 • 黃現璠 鄭獻甫 • 蕭朝貴 • 韋拔群 • 李寧
總人口
1854萬(2010)
語言
壯語
宗教信仰
傳統信仰 麼教

壯族（壯文：Bouxcuengh），原稱僮族，係中國第二大民族。有大概16,187,163壯人（2000年統計）響中國境內。主要聚居響中國廣西壯族自治區，有大約14,207,143壯人。其次係雲南，有大約1,144,021壯人。其他散居響中國西南、中南同埋東南省份；國外東南亞嗰邊，壯族重有唔少人響越南、泰國、緬甸呢啲國家。散居於唔同地區嘅壯人，有唔同嘅自稱，包括布土、布壯、布依、布央、布儂、布岱。地區唔同，服飾亦都唔同，會用服飾顏色加個「壯」字來稱呼，好似：「黑衣壯」。

語言

壯族有自己嘅語言，稱壯語，屬於侗臺語族臺語支（壯傣語支）。而家壯族聚居嘅鄉村地區同部分城鎮仍普遍使用。壯族重有自己嘅古文字，稱方塊壯字。佢至今仍然喺壯族地區嘅民間流行。

文化

「布洛陀」係壯族先民口頭文學中嘅神話人物，係創世神。布洛陀係中國非物質文化遺產名錄之一，「布」喺壯語中係威望嘅老人，「洛」係識得，「陀」係好多創造嘅意思。

壯人嘅歌文化係壯族最大嘅特點，喺一啲地方，唔識唱山歌嘅姑娘甚至會揾唔到對象。老電影《劉三姐》最為出名。

壯族特色織物係壯錦。壯族傳統服飾尚青黑，男裝對襟，女裝右衽。婦女嘅上衫衫領、袖口、襟邊都繡有彩色花邊，條褲黑色寬肥，戴花紋圖案嘅頭巾。

名人

黑衣壯

• 儂智高（民族英雄）
• 冼夫人（歷史上第一位巾幗英雄）
• 瓦氏夫人（抗倭英雄）
• 韋拔群（中國現代農民運動領袖）
• 黃現璠（中國現代民族學奠基人）
• 李寧（體操王子，企業家）
• 韋唯（歌唱家）