大佬 (遊戲)

出自維基百科,自由嘅百科全書
跳去: 定向搵嘢

大佬(英文:Boss),又叫大嘢大機。係遊戲入面最勁比較難打嘅角色,有啲大隻。

大佬嘅屬性[編輯]

  • 多血,一般都係好多血(可能冇血睇),打極都打唔完,有時都唔知有冇傷到佢,總之就係消耗時間。
  • 大隻,即係出現一隻好大隻嘅嘢(機器或生物),一般都有玩家角色5到10倍倒,幾乎佔咗半個屏幕,重有啲儬唔停咁跳出嚟。佢嘅子彈勁多,有時就直接用身體壓迫,最悶就係發難喳清屏,即係冇得擋,有時重冇得避,通常要喺死角打佢先至得。有啲飛機遊戲逼你放炸雞先至冇事。
  • 勁傷,打人嗰陣比啲儬要傷好多,又或者有超多連招,打到你還唔到手,最犀利就係有一擊必殺
  • 勁快,佢一般避得好快,令你打佢唔到,或者好難打中,通常要喺死角先唔會俾佢打中。
  • 特殊,開頭會當佢大佬,不過好多時知道點打之後就會當佢流嘢。
  • 隱藏大佬,遊戲入面如果唔玩出隱藏關卡或者情節,隱藏大佬都唔會出現。隱藏大佬會勁過一般嘅大佬好多。

出場[編輯]

大佬一般喺(每關)最後先至出場,視乎制作人員嘅創意,大佬出場嗰陣都會特別華麗,有時會有啲搞笑劇情。最後嘅正式大佬一般都係霸晒成關。

屈大佬[編輯]

死角,通常係指大佬打唔到嘅位置,又或者大佬掂唔到嘅位置。

用大佬[編輯]

大佬唔係個個可以用得,唔可以直接揀嘅叫做隱藏人物,一般喺選擇版面搵唔到,要用特殊密碼或者特殊按鍵方法。唔係個個遊戲都有大佬可以用,但係格鬥遊戲通常都可以偷大佬,重有一啲運動遊戲可以偷隱藏人物。可以偷大佬嘅遊戲重有好多,唔可以一一列舉。