廣福道

廣福道（英文Kwong Fuk Road），舊時大埔居民俗稱叫大埔大街，係香港一道，喺大埔市區南便，貫通大埔墟。廣福道原本係大埔公路大埔市區一段，後尾跟廣福橋名。廣福道分南北兩段，畀林村河隔開。

地理[編輯]

廣福道喺大埔沖積平原之上，路勢平坦。道分南北兩段，畀林村河隔開。

南段呈南起大埔河，直駁大埔公路元洲仔段，左右駁南運路。之後過運頭角北側，西北入大埔市區，過寶鄉街到駁太和市北盛街爲止。呢處靠近林村河南岸。

北段係條掘頭路，南起林村河，東駁汀角路，西駁寶雅路，之後向西北沒入太和邨。

一八九八年，英國由大清手上租到新界。無耐英軍入大埔，以作新界治所。同時亦開路。首先係開九龍到上水嘅大埔公路。當中大埔一段，就係家下廣福道，當中包括過林村河嘅廣福橋。由於太和市發展得好，慢慢擴大。一九八九年之後以廣福橋個名，改叫廣福道。

到咗一九八零年代，大埔劃爲大埔新市鎮，大興土木，大幅填海。廣福橋就畀條更闊嘅寶鄉橋替咗。而廣福橋重新起過，變行人橋。自始廣福道斷開兩截。