大氣層

(由大氣圈跳轉過來)

大氣層，或者叫大氣圈，或者淨係叫大氣，係星球表面上嘅空氣，因為星球引力影響，喺星球表面積蓄而成嘅一圈氣體。地球嘅大氣層保護地球生物令到佢哋可以嚮地球生存。

[編輯] 地球大氣層

地球大氣主要係氣體，成份約莫 77% 係氮、21% 係氧、1% 係氬、少少二氧化碳、水蒸氣同其他嘢。雖然二氧化碳百分比係微量，但係含量近百年增加得別快，對天時好有影響。

如果冇大氣層，地球嘅氣壓會跌到零，幾乎地球上所有生物都會死，原本喺大氣層燒咗嘅太空隕石、細嘅碎片、塵、冰等就會撞落地面，地球嘅表面會同月球差唔多。

大氣層度重有一層臭氧層，隔咗太陽嘅大部份紫外光，如果呢一層弱咗，就會令人皮膚燒傷，而導致皮膚癌等疾病。

地球早期嘅大氣層含有火山噴出嘅氣體，例如二氧化碳。而家嘅大氣層只含有好少嘅二氧化碳，而含豐富氧氣。改變嘅原因可能係生命形式早期——微生物體吸入二氧化碳而排出氧氣，就好似而家嘅植物，呢啲微生物聚埋一齊被稱為藻青菌，依靠光合作用製造食物同埋能量。

大氣層結構可以分做五部分：

其中以對流層最接近地面，而散逸層最接近太空。

好多行星都有大氣層。嚮太陽系入邊，金星、火星、木星、土星、天王星、海王星都有大氣層。唔同星球嘅大氣層結構、成份、密度、厚度都唔同。好似金星大氣層，重密實過地球好多倍，而且大部分都係二氧化碳，溫度同氣壓都特別高。有啲衛星都有大氣層，好似土星嘅衛星泰坦。

呢篇大氣層係關於科學嘅楔位文章，重未完成嘅。麻煩你幫手補充佢嘅內容。