大澳

出自維基百科,自由嘅百科全書
大澳新基大橋,兩岸搭晒棚屋

大澳香港新界大嶼山西部,係香港剩低最出名嘅漁村;條村一部分響大澳島上。因為大澳嘅水鄉風情好特別,所以有花名「香港威尼斯」。

而大嶼山個英文名Lantau,就係由南大澳個名而來[1]

地理[編輯]

大澳喺香港最西部,大嶼山西陲北岸,一條水道向西、北岔開,大澳島就係響岔流上面。大澳地形好特別,大部分響河岸上面,靠兩條行人橋連埋。島上對住南中國海嘅西、北部無人住。

西面係珠江口,同澳門隔海相對,相距26公里。

歷史[編輯]

大澳附近嘅考古遺址──鹽田遺址,可以追溯到石器時代;但係固定又查到嘅人類部落就只有三個世紀嘅歷史。以下係證實唔到嘅傳聞:第一、大澳係好多走私同海盜行動嘅基地;第二、涌口可以防禦到暴風雨;第三、呢道有一個好隱蔽嘅地方。響附近,分流有條要塞響1729年就起好,用嚟保衛珠江嘅航運。走私槍、煙葉同毒品,以至偷運人蛇出入中國大陸,呢啲非法行動家下周不時重見到。

16世紀,佛朗機人(即係而家嘅葡萄牙人)嚟到中國南部沿海,曾經佔領過大澳一帶起補給據點,後嚟響屯門一帶俾明朝軍隊打走咗。呢件事歷史叫做屯門海戰。當時嘅據點,居民叫佢做「番鬼塘」,一直叫到而家。

英國人嚟香港時,大澳叫做蜑家村。國共內戰同戰後,大澳做咗中國大陸走難來香港嘅人嘅重要落腳點。移民裏面,漢族通常會留響大澳。唔單只咁,大澳都吸引咗香港嘅其他民系,好似鶴佬人同埋客家,佢哋都響度住落嚟。

後來,大澳嘅漁業越做越唔掂,村民淨係靠打魚都好難搵食,於是轉行做海產加工。大澳之所以出名都係因為咁。島上面只係剩低一間公立學校教緊書,好多後生仔大個咗都走晒。

2000年7月2號,有場大火燒咗大澳沙仔面90幾間棚屋,對漁區嚟講好大件事。有關方面[邊個? ]盡力執返靚大澳,但係現家剩低落嚟好多係臨時營房同埋熔熔爛爛嘅棚屋。

特色[編輯]

大澳有名佢叫「香港威尼斯」。大澳響離島上面,離嘈雜嘅市區好遠,冇點俾都市化影響,所以重保留咗早期香港嘅漁村風貌。大澳風景好靚,水道上面嘅高架屋──棚屋,就係漁民嘅屋企。河、好有秩序咁穿插響一排排嘅古老棚屋建築群裏面,烘托出一種好特別嘅漁鄉風情。

大澳傳統嘅鹹魚蝦醬魚肚好出名。嚟到大澳,遊客會聞到好大浸嘅海水味。

大澳同大嶼山本島之間曾經起過橫水渡,亦都係大澳嘅特色之一,但係而家已經淘汰咗。

旅遊[編輯]

大澳嘅紅樹林,圖片左邊係大澳龍巖寺

大澳係香港人同外地遊客嘅旅遊熱點。水道上面嘅棚屋,滲透住一種漁村氣息。

舊時啲人靠橫水渡來往兩岸。大澳橫水渡原先係人撐嘅艇仔,後來改成纜索渡船,由一班女人拉艇。幾受遊客歡迎。而家已經俾鋼造嘅橫水橋取代。

大澳產好多特色嘢,譬如鹹魚茶果蝦醬魚肚。舖頭同中心大街兩邊都有得賣,好多遊客買來做手信。

幾十蚊就租到架細船,村民會揸架船帶遊客喺水道上面穿插,同埋去大海游覽下。為咗睇中華白海豚,好多遊客都會去大澳體驗下水鄉嘅旅程。船一去到大海,因為好近珠江,所以遊客嘅手機可以接收到中國大陸嘅訊號。

遊客重可以欣賞嗰度嘅自然風貌,大澳響鹹淡水交界嘅位置,所以附近有好多紅樹林。唔單只咁,重吸引咗唔少招潮蟹響呢帶生活。

學校[編輯]

交通[編輯]

去大澳可以搭呢啲地方嘅巴士(新大嶼山巴士):

大澳有渡輪碼頭,響大澳巴士站附近。碼頭日日都開,開去大澳嘅航線有呢啲:

宣傳[編輯]

大澳個名,成日登響本地同外地嘅電視旅遊特輯,同埋報章雜誌嘅旅遊版或者副刊。

香港無綫電視去大澳拍過齣劇叫《大澳的天空》,吳啟華陳松伶元華陳妙瑛做嘅,響1998年2月9號首播。

參考[編輯]

  1. S. Wells Williams (1856). A Chinese Commercial Guide (第4版). Canton: The Office of the Chinese Repository.

睇埋[編輯]

出面網頁[編輯]

座標: 22°15′16″N 113°51′50″E / 22.2544°N 113.864°E / 22.2544; 113.864