大角咀

出自維基百科,自由嘅百科全書
跳去: 定向搵嘢
大角咀大角咀道(直)、櫻桃街(橫)同西九龍走廊北行線(行車天橋)
夜晚嘅大角咀近港鐵奧運站

大角咀(又寫做大角嘴英文Tai Kok Tsui)位於香港九龍旺角西面,屬於區議會油尖旺區,但同深水埗區只係界限街之隔。

嘴響唐人地理上來講就係尖凸出來嘅地,而大角嘴原本個形狀似一條長嘅釘插入海,所以叫佢做大角嘴。而民間貪方便,將嘴寫做咀嚼個咀。

歷史[編輯]

原本大角嘴係一個長形嘅半島,外海向住長沙灣,內海就對住芒角嘴,即係後尾嘅旺角嘴。個海角就好似一座長山。英國人接管九龍半島之後,就將大角嘴變船務後勤基地,有唔少船廠整船。而英國人就睇中大角嘴外側啱做船塢,就起咗大同船塢。家下重留少少嗰陣時嘅回憶,好似英文街名Anchor Street(晏架街),係船錨嘅意思。發展大角嘴後,亦都引發香港政府發展大角嘴北面嘅深水埗畀大量工人一個棲身之所。大角嘴內海填平之後,就變成一個工業住宅混合區。

1980年代起,大角嘴開始人口老化,加上工業北移,唔少工廠都已經搬走晒,改做商業大廈。不過,大角嘴舊區仍然保留車房同五金工程呢啲輕工業。到1990年代,為咗起新機場同新港口,西九龍填海計劃畀咗大角嘴好大塊填地,同昂船洲整咗個港灣。新填地因為有奧運站,就自成一角做「奧運」嘅住宅區。而舊區仍然留響度。之不過,市區重建局已經落實咗幾個重建項目,未來大角嘴會有唔同面貌。

自從奧運站嘅商業大廈,好似滙豐中心同中銀中心入伙,大角嘴食肆周圍都係,當中大角嘴靠食豬骨煲出名。

人口[編輯]

而家區裏面住咗唔少老人同細路,年青嘅居民好多都搬咗去其他地區。仲有,大角嘴都係南亞人士同新移民屋企。

以前,區裏面治安情況好差。1992年,有個差人喺區裏面唔小心中槍。強姦打劫嘅事時有發生,所以區裏面好多居民都唔敢夜返屋企。隨住附近填海區大型屋苑陸續落成入伙,成個區嘅治安希望可以改善。

市政[編輯]

經過咗十幾年嘅努力,大角嘴居民成功爭取喺區裏面起市政大廈,而大角咀市政大廈已經喺2005年12月1號正式啟用。咁即係話,1988年起嘅大角咀臨時街市、1978年起嘅大角咀臨時熟食小販市場、1946年起嘅界限街街市同埋舊大角咀公共圖書館2005年11月30號正式閂門。

酒店[編輯]

學校[編輯]

幼稚園[編輯]

小學[編輯]

中學[編輯]

交通[編輯]

  • 港鐵:奧運站
  • 巴士
    • 九巴:2E、10、12、13D、16、18、31B、32、33A、37、43C、66X、72X、87A、87B、265B
    • 新巴:701
    • 城巴:A21、E21
    • 過海隧道巴士:904、905、914、971
  • 綠色專線小巴
    • 3、12A、12B、12S、43M、46、70、78、79K

歷史建築[編輯]

出面網頁[編輯]