大話骰

出自維基百科,自由嘅百科全書
跳去: 定向搵嘢
玩大話骰就要用到骰仔骰盅

大話骰粵讀daai6 waa6 sik1)係種用到骰仔骰盅去玩嘅猜枚遊戲,適合一大班人一齊玩。

玩法係一人有五粒骰仔同一個骰盅,先搖骰盅,睇下自己每粒骰仔嘅點數,之後大家輪流估所有玩家加埋有幾多粒相同點數嘅骰仔,格式係「X個Y」,其中X代表幾多粒骰,第一次叫最少等如玩家人數,Y代表點數,第一次叫一般最細係2,因為1點係百搭,即係無論2到6點都要計埋1點嘅骰。

第一位玩家估完之後,跟住嘅玩家可以揀信定唔信:如果信,就繼續叫骰,但要加大骰仔數量或者點數(可以兩樣都加大),等再下一位玩家決定信唔信;如果唔信,所有玩家就要打開骰盅,如果揭發上一位玩家講大話,上一位玩家就輸咗一鋪,相反就唔信人嗰位玩家輸咗一鋪。