天主教基督勞工堂

出自維基百科,自由嘅百科全書

天主教基督勞工堂(Christ the Worker Parish)係香港一間天主教堂,位於牛頭角明愛中心之內。

堂區史[編輯]

話說新中國成立之後,國民黨一批舊部嚟咗香港聚居喺牛頭角一帶,因為佢哋嘅背景,佢哋聚居嘅地方就改名做「復華村」,位置就係而家龍山樂華邨嗰度。因為佢哋嘅背景,當年香港政府將連接嗰度嘅路改做有類似意思嘅「振華道」。牛頭角嗰陣時重係荒蕪之地,復華村係唯一村落[1][2]

1953年天主教瑪利諾神父會傳教士喺牛頭角開始傳教工作,重喺復華村近山頂嗰度開咗間小學,英文叫「Maryknoll Mission School」;因為當時教宗庇護十二世,所以中文就改做庇護十二學校,重喺嗰度成立彌撒中心(即而家已經搬咗去順天邨天神之后堂前身)[3]。嗰陣堂區區域遠至西貢井欄樹1962年佐敦谷村起好,庇護十二學校又喺佐敦谷村開分校,即係潔心幼稚園,天神之后堂就喺嗰度提供主日彌撒服務。1967年佐敦谷瑪利諾工業中學起好(而家已經改名做瑪利諾中學,喺淘大花園後面,采頤居旁邊,彩霞邨對面),佐敦谷嘅聖堂就搬咗去呢度,由天神之后堂獨立出嚟,成立基督勞工堂。

1960年代後期,天主教香港教區計劃喺牛頭角起明愛中心,而瑪利諾神父會又打算將基督勞工堂搬去嗰度。牛頭角明愛中心嘅設計同接洽工作,就由嗰時庇護十二學校校監譚拔士神父[4]負責。後來譚神父健康欠佳,工程改由莫約翰神父負責。嗰陣興建明愛中心嘅經費,主要來自美國人民捐獻,賽馬會及瑪利諾神父會籌款等等。

1970年7月4號,徐誠斌主教親自為基督勞工堂主持開幕典禮。由於嗰時牛頭角區大部分居民都係勞工階層,所以改名「基督勞工堂」,搵咗5月1號國際勞動節做主保瞻禮。當時搬去牛頭角區嘅教友,分別嚟自京士柏九龍仔深水埗等地。初期教友人數大概有四千幾人。時至今日,區內居民及教友已經包括各階層。現時堂區嘅區域,已經擴展至牛頭角上下邨、安基苑樂華邨彩霞邨淘大花園德寶花園德福花園定安街一帶。不過堂區人口日漸老化,加上政府重建牛頭角上下邨,所以現時登記教友人數只得大概800人[5]

復華村平房區1978年開始被清拆。庇護十二學校喺1980年被清拆,據說教職員喺搬到荃灣嘅柴灣角天主教學校繼續教學,將辦學權由瑪利諾神父會轉交天主教香港教區

參考[編輯]

  1. 港地方 - 討 論 文 庫 - 復 華 村 及 龍 山 路. 喺2011-05-014搵到. {{cite web}}: Check date values in: |accessdate= (help)
  2. "History of Kwun Tong". 原著喺2009-04-16歸檔. 喺2011-05-14搵到.
  3. 神之后堂 堂區歷史的三篇分享. 喺2011-05-15搵到.
  4. Rev. DEMPSEY, Arthur MM 譚拔士神父. 喺2011-05-14搵到.{{cite web}}: CS1 maint: url-status (link)
  5. . 喺2011-05-14搵到.