天安門係中國明清兩代北京皇城正門，坐落喺北京市中心，故宮南端，同天安門廣場隔咗條長安街。由明代御用建築匠師蒯祥設計。
天安門由明朝永樂十五年（1417年）開始起，嗰時叫承天門。清朝順治八年（1651年）改名為天安門。1925年10月10號，國立故宮博物院成立，天安門開始對外開放。1949年10月1號，中華人民共和國開國大典喺天安門搞，兼入埋國徽設計，成為中華人民共和國嘅象徵之一。1961年，天安門俾中華人民共和國國務院公佈為第一批全國重點文物保護單位之一。
