天河2號

  想搵同佢差唔多意思嘅門牌嘅話，請睇天河路。

天河2號係由中國大陸嘅中國國防科技大學研發出嚟嘅一部超級電腦。^[1]佢係世界上第3快嘅電腦，僅次於Summit同神威太湖之光^[1][2]，佢嘅每秒計算速度係33.862PLOPS。^[2]呢部嘢重快過上一代最快嘅超級電腦——天河1號。^[3]雖然話佢預測喺2015年嗰陣會計得越嚟越快，會升到每秒計到10嘅17次方嘅速度，但係呢個速度喺2013年就實現咗。^[4]呢部超級電腦嘅使用範圍係包括同燃燒試驗、磁力試驗有關嘅科學探究，重可以用嚟模擬大氣層。^[5]呢啲證據可以證明天河2號係一部好好嘅計數系統。^[6]

介紹

天河2號係由中國大陸嘅國防科技大學同埋浪潮集團負責組裝同埋測試，喺2013年底得到廣東省廣州市嘅國家超級計算廣州中心驗收，之後開放畀出面嘅人嚟接受實驗、科研同埋教育方面嘅運算任務。^[8]成個系統投資額係一億美金，^[9][10]佔地720平方米。^[11]

天河2號用咗超過三百萬隻數據處理核心嚟計數。^[7]佢可以喺每秒做到33862億次嘅計數，重會有可能提升到每秒54900億次。^[1][7]

紀錄

天河2號喺2013年6月嗰陣就做咗世界計數最快嘅電腦。佢喺2013年6月同埋11月，上過國際TOP500組織公佈嘅排行榜入面2次。