奧雲
出自維基百科，自由嘅百科全書
奧雲（Michael Owen，1979年12月14號—）係好出名嘅英格蘭前鋒球員。
佢響利物浦出身，早響1998年FIFA世界盃就已經上位，當時佢對住阿根廷就攞到一個世界波。2001年利物浦贏得足總杯、聯賽杯同歐洲足協盃，奧雲重因此贏得歐洲足球先生。所以佢嘅轉會傳聞，就響呢個時候開始出現。但利物浦曾經話過，奧雲一隻腳已經值二千五百萬英鎊。
佢響2004年轉會皇家馬德里，但佢呢次轉會係失敗嘅，因為皇馬當時已有好多攻擊球員，好似施丹、朗拿度等等，奧雲因而冇咩上陣機會。
2005年佢轉會紐卡素，但係佢不停受傷，加上紐卡素管理混亂，奧雲嘅前景一直受到關注。2009年紐卡素降班，奧雲以自由身加盟曼聯。2012年9月轉投史篤城。
