奶奶

奶奶（naai⁴ naai²）係一個女人稱呼佢個老公嘅阿媽。而奶奶就叫佢個仔嘅老婆做「心抱」。不過，而家有部份人會跟佢老公咁叫，即係媽咪，阿媽。有啲「西化」啲嘅會直接叫名。

家婆 [編輯]

當心抱對住佢老公嘅阿媽會叫對方做奶奶，不過，當心抱對住其他人，佢可以稱佢奶奶做『家婆』，好似：『琴晚我家婆又試話我，激鬼死啦』，當然亦可以用『奶奶』，好似：『琴晚我奶奶又試話我，激鬼死啦』。但係新婦一定唔會對佢奶奶，叫佢做『家婆』。

「奶奶」喺中國北方方言指阿嫲，即係老豆嘅媽。英文嘅 Mother-in-law 可以指奶奶，亦可以指外母，即老婆嘅媽。