威斯特布路浸信會

出自維基百科,自由嘅百科全書
跳去: 定向搵嘢
WBC 教友

威斯特布路浸信會Westboro Baptist Church 簡稱 WBC)係由 Fred Phelps 創立嘅一個基督教教會,雖然佢叫浸信會,但其實同浸信會冇聯繫,最主要活躍喺美國肖尼縣托皮卡

呢個教會有一個叫 GodHatesFags.com 嘅網站,專門引用聖經內容,譴責同性戀雙性戀變性行為。

WBC 嘅教友好鍾意得閒無事,就會去啲同性戀集會或者遊行,然後舉一啲示威牌,上面寫住啲 God Hates Fags(神最憎同性戀1)、God Gave Fags Up 重有 Thank God For Aids(感謝神賜下愛滋病)嘅標語。佢哋認為美國如果唔禁止同性戀,美國遲早會滅亡。

佢哋認為美國所有麻煩嘢,例如颶風 Katrina、911咁,都係由於縱容同性戀而嚟,所以佢哋曾經試過去911事件入面,世貿中心遺址度,公開感謝上帝利用911事件懲罰美國,之後開始喺美國穿州過省,去一啲美國軍人陣亡嘅喪禮度示威,結果令美國好多個州都發出禁令,禁止任何人喺喪禮範圍入面示威,而美國聯邦公墓更加唔准示威。

註解[編輯]

  • 註 1: Fags 喺英文入面,係對同性戀一個好侮辱性嘅叫法。

參考[編輯]