孫中山大元帥府紀念館

出自維基百科,自由嘅百科全書
廣州大元帥府舊址
中華人民共和國
全國重點文物保護單位
喺邊廣東省廣州市
近現代重要史跡及代表性建築
時代民國
4-232
登錄1998年
地圖
Map

 孫中山大元帥府紀念館粵拼syun1 zung1 saan1 daai6 jyun4 seoi3 fu2 gei2 nim6 gun2 ,簡稱大元帥府,係中國廣東廣州一紀念孫中山嘅主題紀念館,喺海珠區紡織路東沙街18號。佢前身係士敏土廠,1917年做咗大元帥府。1998年到2006年5月1號重修,之後正式對外開放。

[編輯]

士敏土廠時期[編輯]

1909年嘅廣東省城河南士敏土廠,圖入面重可以見到嗰時嘅士敏土廠南北大樓入面,有條空中走廊將兩棟樓連埋一齊,不過呢條走廊後嚟俾人拆咗。

其實呢間嘢之前係廣東士敏土廠,喺1907年起,嗰時係中國第二大水泥廠,而產量方面就排喺第二[1]。而間大樓係由澳洲人琶尼同帕乪一齊負責設計,嗰時嘅主體大樓方面,就有南北二幢,其中中間有條空中走廊連埋一齊,入面有三層樓嘅式房屋,而且每層樓都有條拱式走廊響度。

中華民國時期[編輯]

喺1917年7月,由於段祺瑞張勛復辟之後就搞單革命,話先造低1913年搞嘅國會入面冚唪唥嘅選舉,而孫中山就搞咗單護法運動,重率領咗部分海軍殺到廣州嚟開國會特別會議,就買低呢度搞大元帥府。喺1918年5月,由於霸喺廣州嘅桂系軍閥成日喺度猛咁搞搞震,結果護法運動肥佬咗,而孫中山連職權都冇埋,結果佢唔撈喇,之後就離開咗廣州。

到咗1920年,粵系軍事將領陳炯明就打冧咗成日喺廣州度搞搞震嘅桂系。過咗滇系軍閥之後,孫中山又返嚟,重取消咗軍政府。喺1923年3月,就嚟咗呢度起咗間陸海軍大元帥大本營。而大本營起咗無耐,先後搞出咗沈鴻英叛亂同埋東江叛亂,重將中國國民黨搞出咗改組。

不過1925年3月12號嗰陣孫中山死咗之後嘅三年(1925年7月),國民政府就喺廣州嗰度成立,而大本營都搞掂咗佢嘅歷史使命。之後重俾人改成國父文化教育館兩廣分館或國父紀念館

中華人民共和國成立之後[編輯]

喺1949年10月14號嘅解放軍霸咗廣州之後,呢度先後變成部隊同廣東省有關部門嘅辦公樓。喺1964年—1998年,呢度係廣東省農業機械供應公司嘅辦公同宿舍樓,重喺保護範圍入面起咗三棟居民宿舍樓。而1981年嘅中國人民政治協商會議廣東省廣州市第五屆委員會第一次會議入面就話咗要快啲重新裝修過呢間嘢嘅。而1984年嘅中國人民政治協商會議廣東省廣州市第六屆委員會第二次會議入面都係講過同樣嘅嘢。而1983年8月份,孫中山大元帥府舊址俾廣州市人民政府話咗係廣州市第二批重點文物保護單位。而1989年6月重升級到廣東省重點文物。到咗1992年,由於廣東省農業機械供應公司收到中國人民政治協商會議發嚟話要快啲裝修同恢復返孫中山大元帥府,要佢哋搬走,嗰年俾廣州市政府批准咗。就喺1996年11月,孫中山大元帥府舊址俾國務院話咗係中國重點文物。

重新裝修[編輯]

2009年嘅大元帥府門樓。而家附近嘅馬路已經變成廣場,而電力裝置都俾人拆咗。
大元帥府門樓(2014年10月24號)

到咗1998年10月19號,廣州市政府收到孫中山大元帥府舊址話要裝修之後,先係將保護範圍入面嘅60戶居民搬走咗,之後開始裝修過孫中山大元帥府紀念館。就喺1999年—2000年之間裝修過北樓同南樓,甚至重將之前嘅6層樓嘅居民宿舍樓啲人搬走埋,變返大元帥府嘅門樓。而南樓同北樓分別喺2001年7月同12月搞掂。而還原返舊址嘅大門樓工程就喺2002年先至搞掂(期間重搬走埋保護範圍入面嘅70戶居民)。而孫中山大元帥府紀念館嘅裝修工程一直到2006年5月1號先至正式對外開放[2]

亞運期間嘅整修[編輯]

到咗2010年8月份,由於廣州市為咗迎接亞運會嘅開幕,重拆咗大元帥府周邊嘅危樓同江灣大橋附近嘅引橋,再整咗間大元帥府廣場,而且重幫紀念館搞咗啲裝修同維護。就喺嗰年10月20號先至重新開放[3]。不過到咗2012年,廣州市規劃部門又話收返大元帥府嘅一嚿已經出咗租嘅地皮,用嚟起6300㎡嘅孫中山紀念場館嚟解決點解大元帥府冇乜位嚟發佈展覽[4]

敘述[編輯]

  • 佔地面積:8020平方米
  • 組成部分:南北主體大樓+東西廣場+大門樓。
  • 建築風格:
    三層卷拱式西式風格建築加部分節竹式排水管、百葉門窗、花瓶式護欄同騎樓等有嶺南特色嘅建築風格。

入面嘅設施同展覽[編輯]

南樓[編輯]

  • 1樓:參軍處、衛隊宿舍、武器庫、收發室、金庫、醫官室、值星副官室、通訊室
  • 2樓:總參議室、參謀處、秘書處、大元帥府公報編輯發行室
  • 3樓:會議室、孫中山辦公室、房、廁所、餐廳、細客房、無綫電報

北樓[編輯]

北樓展廳入面主要整嘅係孫中山喺廣州入面搞咗3次政權啲嘢。

  • 第1展覽廳:北洋軍閥嘅統治、護法艦隊、國民軍政府嘅成立。
  • 第2展覽廳:護法運動嘅過程同肥佬
  • 第3展覽廳:中華民國政府、剷走桂系軍閥。
  • 第4展覽廳:陳炯明政變、多媒體影視場景合成景觀——宋慶齡廣州避難記、20世紀20年代嘅廣州城市建設。
  • 第5展覽廳:恢復同鞏固廣東嘅革命根據地、陸海軍大元帥大本營組織機構、促進國共合作
  • 第6展覽廳:點解孫中山會走去北方同死咗,中國共產黨三代領導人話孫中山嘅歷史地位同評價。

附近嘅交通[編輯]

巴士

  • 大元帥府站、江灣橋南站

輪渡:

出面網頁[編輯]

[編輯]

  1. 喺1907年,天津開平水泥廠係全中國內地出嗮名嘅。
  2. 新浪新闻_穗大元帅府旧址纪念馆开放
  3. 州著力復原遺跡 尊重歷史. 加拿大星島日報. 2011-07-10. 原著喺2015-04-03歸檔. 喺2012-09-24搵到.
  4. 州孫中山大元帥府將"擴容". 中國評論通訊社. 2012-04-19. 原著喺2016-03-08歸檔. 喺2012-09-24搵到.