孫中山紀念館 (香港)

出自維基百科,自由嘅百科全書
跳去: 定向搵嘢
孫中山紀念館

孫中山紀念館英文Dr. Sun Yat-sen Museum)位於香港中環衛城道7號,前身係香港富商何東細佬何甘棠嘅屋企甘棠第。紀念館係香港歷史博物館嘅第四間分館,介紹中華民國國父孫中山嘅生平以及佢同香港嘅關係。紀念館喺2006年12月12號正式開幕,以紀念孫中山先生出世140周年。

歷史[編輯]

正喺度修葺嘅孫中山紀念館(2006年6月)
衛城道入口刻有甘棠第嘅中、英文名同埋建築年份
重修後嘅孫中山紀念館,有金飾嘅陽台欄杆

甘棠第喺1914年起好,個名係以業主何甘棠嚟命名。何甘棠一直喺呢度住,直到終老(1950年)。1960年,甘棠第賣咗畀鄭氏家族,之後鄭氏又賣畀耶穌基督後期聖徒教會,甘棠第自此成為教會聚會嘅地方。1990年,甘棠第俾古物諮詢委員會列作二級歷史建築。

2002年10月,教會向香港政府建築事務監督申請將甘棠第拆卸重建,市民同民間團體曾經舉行活動希望保留呢座建築物;2004年2月,香港政府用5,300萬港元同教會買甘棠第,並且用9100萬港元進行修葺,改建做孫中山紀念館。

建築特色[編輯]

甘棠第起喺斜坡上面,樓高4層,總樓面面積19,672平方呎,屬於英皇愛德華式古典建築風格。外牆就係用紅同埋花崗岩砌成,一、二樓都有個弧形露台,用希臘式巨柱承托,樓房設有前、後樓梯,以前前樓梯係畀主人何氏家族用,而後樓梯就畀工人用嘅。

設施[編輯]

  • 兩個常設展覽廳(主題分別係「孫中山與近代中國」同埋「孫中山時期的香港」)
  • 「甘棠第的歷史與修繕」展覽廳
  • 專題展覽廳暨演講廳
  • 閱覽室
  • 兩個視像室
  • 互動學習室(透過互動電腦遊戲形式介紹孫中山嘅事蹟及同埋[辛亥革命]]等等嘅專題)
  • 活動室

開放時間[編輯]

  • 星期一至三;星期五至六:上晝10點至晏晝6點
  • 星期日同公眾假期:上晝10點至晏晝7點
  • 星期四、年初一至二:唔開

入場費[編輯]

  • 大人:港幣10蚊
  • 全日制學生、小童、殘障人士或者老人家:港幣5蚊
  • 星期三;孫中山誕辰(11月12日)及忌辰(3月12日):免費

2006年12月5日至到2007年3月31日期間,市民可以透過城市電腦售票網預購入場卷。入場卷有效期係7日,入場時間分別係上晝10點、上晝11點半、晏晝1點、晏晝2點半同埋晏晝4點。星期日同公眾假期加開晏晝5點半。

交通[編輯]

圖片[編輯]

出面啲頁[編輯]