學習

出自維基百科，自由嘅百科全書

學習（Learning）係一種認知行為，係由唔識到識得嘅一種過程。

目錄 1 詞源 2 定義 2.1 行為主義心理學嘅觀點 2.2 認知心理學嘅觀點

[編輯] 詞源

學習最早可追溯至孔子喺論語度講：『學而時習之，不亦悅乎？』學係指累積知識同經驗，習係指實踐知識同經驗。學屬知，習屬行。中國大儒王陽明曾提倡知行合一。

[編輯] 定義

學習係一個透過教授或體驗而得倒知識、技術、態度或價值嘅過程，從而導致可量度嘅穩定嘅行為變化，準啲咁講係建立新嘅精神結構或審視過去嘅精神結構。學習必須靠經驗先可以有長遠成效。

[編輯] 行為主義心理學嘅觀點

學習係受外在環境刺激引起嘅行為嘅變化，要有睇得到、度得到嘅外在變化。

[編輯] 認知心理學嘅觀點

學習係內在傾向或能力嘅變化，內在變化同外顯行為唔一定一致。（當然一定用外在變化推測內在嘅變化）呢啲種變化應係後天經驗得嚟嘅，唔係先天嘅反應或者生理成熟嚟嘅。仲要保持到一段時期。

綜合兩大學派：學習係因經驗而引起嘅行為、內在傾向、能力上比較為持久嘅變化。