守護甜心!角色一覽

出自維基百科,自由嘅百科全書
跳去: 定向搵嘢

守護甜心!嘅角色介紹。

主角 - 日奈森亞夢[編輯]

  • 配音:伊藤加奈惠(日本)、何璐怡(香港)
  • 身高152厘米,體重38公斤,生日係9月24號,血型係O型。

日奈森亞夢係聖夜學園嘅學生,故事開始嗰陣係漫畫版四年級[1]轉校入學。特徵係頭上嘅✖型髮飾。最驚就係恐怖嘅嘢[2]。被人形容做「又有型又冷酷」,係好多人嘅焦點所在。但真正嘅佢其實係因為唔擅長表達同怕醜,搞到被人誤解做個性冷酷。有時很愛逞強同乖僻,但係被誤認為係「有型」。其實佢係個纖細嘅普通少女。由於阿媽鍾意哥德式同龐克式嘅衫,都成為誤解為「酷」嘅主要原因,為「酷」嘅造型嘅現狀苦惱,講嘢經常口不對心,希望變成坦承又可愛嘅女仔,被授予三個「守護甜心」﹙漫畫為撫子離開、空海畢業前增加一個-方塊。動畫為撫子離開、空海畢業後﹚,雖然以『唔想穿皇家披肩』嘅理由拒絕加入守護使者,不過見到唯世憐憫求佢個樣而投降,擔任守護使者嘅Joker。揸住守護使者繼承嘅「Humpty Lock」,同幾斗嘅「Dumpty Key」配成一對。捲入各種各樣嘅事。對幾斗,唯世分別有好感。

守護甜心係小蘭、美琪、小絲、dia。

形象改造嗰陣,✖型嘅頭飾就會變做♥型、♠型同♣型同埋◆型。變身後分別係「Amulet Heart(淨惡之心)」、「Amulet Spade(淨惡之筆)」、「Amulet Clover(淨惡幸運草)」同「Amulet Diamond(淨惡鑽石)」;同歌唄嘅守護甜心繪琉、依琉分別變身做「Amulet Angel(淨惡天使)」同「Amulet Devil(淨惡小惡魔)」。運用Dumpty Key同Humpty Lock嘅力量同小蘭、美琪、小絲、方塊變身成「Amulet Fortune(淨惡幸運女神)」,Amulet係護符嘅意思。

守護者[編輯]

邊里唯世[編輯]

  • 配音:高木禮子(日本)、張裕東(香港)
  • 身高154厘米,體重42公斤,生日係3月29號,血型係B型。

喺第一回初次登場。擔任「King's Chair(國王寶座)」嘅少年。通稱「王子」。佢嘅守護甜心係奇蹟。

聖夜學園嘅學生、同亞夢同屆,漫畫4、5年級讀月班,6年級讀星班,動畫喺5年級讀月班,6年級讀星班。亞夢鍾意嘅少年。實際上係一個非常怕醜嘅人,好驚喺大庭廣眾面前講嘢。因為咁佢想變強而變成「理想中嘅自己」。初期在意Amulet Heart(淨惡之心),後來鍾意咗亞夢嘅自身形象。漫畫第28回(動畫第74集),同亞夢表白。

被人叫做「王子」嗰陣就會突然形象改造,變成國王陛下,性格變得驕傲自大,佢嘅夢想就喺征服世界,解決方法係被撫子(凪彥)或者璃茉用水桶冚住佢個頭,然後數「三、二、一」,如果以自動嘅方式回復原狀之後就會情緒失落。

漫畫第22回(動畫第39集),唯世因為搵唔到胚胎而冇咗自信,加上聽咗「Black Diamond」嘅「願望CD」,差啲令奇蹟變成壞蛋。後來得到亞夢嘅幫忙,同奇蹟變身為「Platinum Royal(白金聖皇)」。

藤咲撫子/凪彥[編輯]

  • 配音:千葉紗子(日本)、曾佩儀(香港)
  • 身高160厘米,生日係7月4號,血型係AB型。

第一回初登場。原擔任「Queen's Chair(皇后寶座)」,後擔任「Jack's Chair(騎士寶座)」。佢嘅守護甜心係手鞠同埋節奏。

聖夜學園學生,同亞夢同屆,4同埋6年級讀月班,5年級讀星班。同亞夢好好。其實係男仔,真名藤咲凪彥。因為家族因素以女性自居並具有偽娘嘅身分(藤咲家嘅男仔喺10歲之前要以女仔身份同埋名生活,目的係要了解女仔跳舞嘅步法)。細個因為要模仿女性而唔敢發揮出男性性格,限制自己嘅跳躍高度。喺漫畫新年初時(動畫第25話)曾經以原本嘅性別同亞夢相見,但就話自己係撫子嘅孖生哥哥。

六年級後(漫畫第十五回,動畫第二十五話)去歐洲暫時留學。第三學期(漫畫第二十七回,動畫第五十六話)返嚟嗰時俾司、唯世同埋空海要脅以凪彥嘅身分成為新「Jack's Chair(騎士寶座)」留喺聖夜學園。

喺漫畫中嘅結局,凪彥有話畀亞夢知佢係撫子,亞夢重嚇咗一跳。但喺動畫,亞夢同埋彌耶到而家都重未知凪彥就係撫子。

同手鞠形象改造後,好勝嘅性格,亦變成完全唔同嘅類型。漫畫第三十四回(動畫第九十一話)同節奏變身成「Beat Jumper(撼動躍者)」,同手鞠變身成「Yamato Maihime(大和舞姬)」。

「凪」字係日文專有漢字,中文冇呢個字亦冇發音。喺香港無綫電視J2台播出嘅版本,「凪」字係讀成「優」。

相馬空海[編輯]

  • 配音:阿部敦(日本)、曹啟謙(香港)
  • 生日係8月17號,血型係A型。

第一回初登場。原擔任「Jack's Chair(騎士寶座)」嘅少年。

聖夜學園小學部畢業生、大亞夢一屆。家陣喺中學部。佢嘅守護甜心係大地。

足球部主將,成日因為唔知參加邊個社團而煩惱,運動神經相當好,體力好強。漫畫第15回(動畫第二十六話),空海由小學部畢業後去咗中學部。

漫畫第18回(動畫第29話)喺亞夢同埋繪琉一齊變身嘅時候,佢同大地受到「Humpty Lock」嘅影響亦一齊變身為「Sky Jack(藍天侍從)」。

喺守護甜心-安可之中同歌唄係情侶。

結木彌耶[編輯]

  • 配音:中村知子(日本)、楊善諭(香港)
  • 生日係5月25號,血型係O型。

第一回初登場。擔任「Ace's Chair(權仗寶座)」嘅女仔。佢嘅守護甜心係皮皮/培培。

聖夜學園學生、細亞夢一屆。4、5年級為月班。有一個細佬結木翼(BB),因此佢嘅夢想係變返BB而得到父母關心,所以皮皮亦係嬰兒甜心。

髮型係雙馬尾,綁上大嘅絲帶。好鍾意食甜嘢,有鍾意向人撒嬌嘅個性,並以可愛嘅暱稱稱呼同伴,實際上係受家庭因素影響。喺羊田美美子嘅芭蕾舞教室學芭蕾舞。

「形象改造」後變成攞住武器「超大手搖鈴」嘅BB咁,受到BB嘅性質影響,性格變得鍾意喊。喺漫畫第24回(動畫第41集)之中同皮皮變身為「Dear Baby(可愛寶貝/親親寶貝)」。

真城璃舞[編輯]

  • 配音:矢作紗友里(日本)、鄭麗麗(香港)
  • 生日係2月6號,血型係B型。

第十五回初登場(動畫第二十七話)。擔任新「Queen's Chair(皇后寶座)」嘅少女。佢嘅守護甜心係嘻嘻。

聖夜學園學生、同亞夢同屆、6年級轉入星班。身材嬌小,非常可愛,因而有好多男仔仰慕佢,表面上好自私高傲而且目中無人,但內心其實係個善良又相當脆弱嘅女仔,而且鍾意搞笑。擅長扮喊,因為「形象改造」後會變成搞笑嘅角色遭到恥笑,而唔鍾意「形象改造」。

初轉入班時唔鍾意識朋友,重將嗰啲佢她認為無聊嘅人稱為「像笨蛋一樣」,但因為亞夢嘅鼓勵,而令佢感覺到朋友嘅重要。運動白痴。其實璃茉對搞笑好執着,認為「搞笑唔係遊戲」。因為不滿亞夢同凪彥接觸得太多,所以視凪彥為敵人,成日同凪彥嗌交;喺34回後聽到撫子同占卜師冴木信子嘅對話,而篤爆撫子即係凪彥嘅事實,後來同凪彥好返。

同嘻嘻甜心變身為「Clown Drop(小丑降臨)」。

三條海里[編輯]

  • 配音:齋賀觀月(日本)、雷碧娜(香港)
  • 生日是6月12日,血型是A型。

喺第十六回(動畫第二十八話)初登場。擔任新「Jack's Chair(騎士寶座)」嘅少年。守護甜心係武藏。

聖夜學園學生、小亞夢兩屆、4年級時轉入月班。對自己要求好高。因為身高問題成日俾人當係大人,被亞夢同彌耶稱為委員長(班長)。研究出計劃令惡蛋捕獲率大增。戴眼鏡,同外表一樣係頭腦派。

是三條由佳里嘅細佬。最初成為守護使者係為咗搵出守護使者嘅秘密。不知不覺中同亞夢產生好感,EASTER計畫失敗後決定轉返鄉下嘅學校完成學業,並喺臨走前(漫畫第26回,動畫第44話)當眾向亞夢告白。

喺漫畫第24回(動畫41集)同武藏甜心變身為「Samurai Soul(武士魂)」。

Easter[編輯]

EASTER,中文譯作「復活社」,係集合金融、演藝、食品嘅綜合企業,世界上數一數二嘅集團,同「聖夜學園」嘅「守護之星」敵對,由幾斗兄妹嘅家庭星名財團經營。企圖利用腐化人類「心靈之蛋」嘅方法,為控制EASTER嘅神秘人物「大人」(一之宮光)搵胚胎。一般認為個名嚟自復活節。

月詠幾斗[編輯]

  • 配音員:中村悠一(日本);李致林(香港)
  • 身高179cm,體重59kg,12月1號生日,血型係AB型。

喺第一回初登場,覬覦亞夢隻守護蛋嘅少年。同亞夢差五歲。守護甜心係阿夜。同EASTER有神祕嘅關係。

亞夢持有嘅「Humpty Lock」係同幾斗持有「Dumpty Key」配成一對嘅鎖匙,好在意亞夢。雖然係亞夢嘅敵人,但幫過亞夢好多次。其實是歌唄阿哥,同唯世實際上係自細一齊玩嘅好友,叫唯世「豆丁王子」。識得演奏小提琴、中提琴同鋼琴。

曾經喺漫畫第28回(動畫第74話)話鍾意嘅人係亞夢(但亞夢以為幾斗玩佢)。

耳仔係敏感部位。經常闖入亞夢間房(正確啲嚟講應該係闖入亞夢間房騎樓),曾經寄宿喺亞夢間房同亞夢同床共枕(漫畫第二十七回至第三十回,動畫第六十四話至六十六話、七十四話至七十七話)。

形象改造後會生出貓耳,技能係憑空變出一隻巨型貓爪幻影攻擊敵人同變得身手敏捷。亞夢起初以「貓耳Cosplay變態男」稱呼佢。同阿夜變身成「Black Lynx(黑色山貓)」,同黑色嘅蛋變身成「Death Label(死亡階級)」。運用Dumpty Key同埋Humpty Lock嘅力量同阿夜同埋心裏面另一隻蛋變身成「Seven Seas Treasure(七海海盜)」。

月詠歌唄[編輯]

  • 配音員:水樹奈奈(日本);龍顯蕙(台灣);林元春(香港)
  • 身高160cm,體重48kg,生日是11月9日,血型是A型。

原名月詠歌唄,第二回初登場。佢嘅守護甜心係依魯同埋繪瑠。

14歲嘅中學生兼偶像嘅活躍少女。有一對金髮嘅雙馬尾,着哥德蘿莉系嘅衫。EASTER嘅人,為咗要幫幾斗脫離EASTER,協助三條由佳里搵胚胎同埋收集壞蛋,但個心就唔想咁做。

事實上係幾斗個妹。有戀兄情結,同幾斗接吻過(正確啲嚟講係強吻幾斗),認為亞夢係情敵。為搶奪亞夢同幾斗嘅「Dumpty Key」配成一對嘅「Humpty Lock」,而同亞夢對敵,而因為受「Humpty Lock」影響嘅關係,同方塊變身。

同依魯形象改造時會生惡魔嘅翼。技能係以歌聲奪取心靈之蛋,再產生壞蛋。喺第七話,歌唄係以個人歌手嘅身份唱「迷宮蝴蝶」。唱歌嗰時會同依琉形象改造。當唱到最後一句歌詞,會將現場聽眾嘅心靈之蛋抽出,變成壞蛋。歌唄一度以獨立樂隊「Black Diamonds」主音嘅身份唱「Black Diamond」。「願望CD」。聽完後,聽眾嘅心靈之蛋都會變成惡蛋。

喺同守護使者嘅對決中失去咗繪瑠、依魯同埋Dia,至意識守護甜心嘅意義。隨後亞美突然出現令佢回憶細個做歌迷嘅心情,重拾身為歌手嘅自尊,並且同由佳里離開EASTER。

同依魯甜心變身成「Lunatic Charm(魅之月)」、同繪瑠甜心變身成「Seraphic Charm(魅之聖潔天使)」、同壞Dia甜心變身成「Dark Jewel(黑暗寶石)」。

歌唄個姓「ほしな」係藝名,正確漢化字係「星名」,即是佢阿媽個姓。「星那」係香港版漫畫漢化嘅同音誤譯,而將奏子同埋一臣改為姓「星那」。香港無綫電視翡翠台所翻譯嘅「星詠」係譯錯咗,目的係暗示佢同月詠幾斗嘅兄妹關係。

二階堂悠[編輯]

  • 配音員:間島淳司(日本);黃啟昌(香港)/幼年:澤城美雪(日本);雷碧文(台灣))
  • 生日是9月18日,血型是A型。

第五回初登場。表面上係亞夢嘅班主任,而真實身分係潛伏喺聖夜學園嘅EASTER間諜。為咗同三條由佳里競爭邊個最先發現守護胚而嚟到聖夜學園。具有可以藉住對人講出喪氣話語,令佢灰心喪志,並且令佢嘅心靈之蛋遭受腐化嘅能力。細個以機械人工程師為目標,老師辭職(因為老婆有病),加上父母拚命反對,原有嘅守護甜心(未孵化嘅)喺一次意外中破碎,所以放棄咗夢想。

但係,小絲盡力令佢恢復信心,而當年未孵化嘅守護甜心喺事情中重生,並同佢講第時會再見。被EASTER開除之後,偶然知道恩師嘅近況。此後,正式擔任亞夢嘅老師(其實本來就持有教員資格),成日喺亞夢面前叫錯(ひなもり)為「ひまもり(港譯「日『悶』森」)」同學(但其實佢自己已經知道亞夢嘅正確名字)。

三條由佳里[編輯]

  • 配音員:夏樹リオ(日本);陸惠玲(香港)
  • 生日是8月7日,血型是B型。

第七話初登場。歌唄嘅經紀人,個性驕傲自大,同二階堂競爭邊個最先發現守護胚。喺公司擔任歌唄嘅演藝經紀人,並以幾斗要脅歌唄藉歌聲搜括心靈之蛋,一度利用歌唄。但喺受到壞甜心集體攻擊時被歌唄出手搭救,決定帶歌唄離開EASTER另建新演藝事務所。

係三條海里嘅家姐,差成十幾歲,由於家事唔掂成日搵海里嚟使。以前同二階堂交往過,但佢本人將同二階堂交往嘅日子視為「人生嘅污點」,後來同二階堂好返,重同佢結埋婚。

星名一臣[編輯]

  • 配音員:小形滿(日本);陳廷軒(香港)

原名「一之宮一臣」,第五回初登場,EASTER嘅專務(社長/董事長)。幾斗同歌唄嘅繼父,亦係二階堂悠以及三條由佳里嘅直屬上司。將親孫光培養成EASTER嘅首腦(「大人」),策畫一切行動以奪取「守護胚」嚟送畀光。迫幾斗阿媽同自己結婚,將幾斗兄妹兩人當成利用工具,並研發音叉控制幾斗嘅思想同甜心變身(幾斗並不清楚自己被控制)。

喺守護使者同EASTER嘅決戰中,知道自己一直以來對光同埋幾斗所犯嘅過失,重新同光一起生活,並希望同幾斗阿媽離婚來交還EASTER嘅權力。

香港版漫畫因為繼續沿用誤譯,把一臣嘅姓由「星名」改為「星那」。

一之宮光[編輯]

  • 配音員:中尾衣里(日本)

第二十八回(動畫第九十二話)初登場。EASTER嘅最高領導,亦即係所謂嘅「大人」。星名一臣聽晒佢話,實際上係星名一臣嘅親孫。雖然年紀好細,但思想極為現實,表示自己唔需要冇利用價值嘅嘢。長期嘅寂寞導致心裏面冇心靈之蛋。平時透過變聲器坐喺布幕後面同EASTER成員對話。渴望得到守護胚嘅目的,其實只係想要完成寶石嘅收集,以寶石填滿自己內心嘅空虛。

同亞夢初次相遇時,亞夢請過佢食鯛魚燒。後來佢再見返亞夢,同佢講經過佢調查,發現鯛魚燒有太多糖份,明白到零食係廢物。

司曾經將心靈之蛋嘅繪本攞畀光睇,但光認為夢想只係一個膚淺嘅夢,毫無價值,於是撕爛繪本。

喺守護使者同EASTER嘅決戰,俾亞夢教識感情同埋夢想嘅重要性,心靈之蛋(守護使者同EASTER一直以為呢隻發光嘅蛋係守護胚)亦因而返到心裏面。

露露‧德‧莫爾賽夫‧山本[編輯]

  • 配音員:神田朱未(日本)

動畫原創人物,動畫第五十四話初登場。佢嘅守護甜心係娜娜。

一臣喺法國招聘嘅轉校生,係完美主義者,持有能夠製造將心靈之蛋轉變為迷之蛋嘅紅寶石項鍊嘅甜心變身能力,說話隱約帶名古屋腔。初登場時好睇唔起守護之星同亞夢。但隨住時間流逝捉唔到守護胚,露露開始同一臣對峙,而且不滿點解要同幾斗同埋九十九合作降低自己身段。真正嘅目的係要得到守護胚令佢久未登上大螢幕嘅阿媽重新出道。動畫第89話,因為令阿媽重歸螢幕嘅夢想受質疑,於是用謎之蛋甜心變身「Dream Dream」。最後同亞夢結為朋友,同父母返法國。

九十九[編輯]

  • 配音員:和田吉正(日本);潘文柏(香港)

動畫原創人物,喺動畫第三十六話登場,二階堂同三條嘅下屬,非常仰慕由佳里。喺班前輩離開之後變成研究室負責人,一再研發守護胚製造裝置但成日失敗,令一臣更加不信任佢。

千千丸[編輯]

  • 配音員:坂口候一(日本)

動畫原創人物,EASTER研發人員。

萬田[編輯]

  • 配音員:根本圭子(日本)

動畫原創人物,EASTER研發人員。

DARTS[編輯]

動畫第四十七話正式登場。彌耶而家鍾意嘅歌手。隸屬唱片公司「EASTER MUSIC」。

香川昌之[編輯]

動畫第十三話只以個名登場。撫子(凪彥)一直鍾意嘅歌手。隸屬唱片公司「EASTER MUSIC」。

[編輯]

  1. 動畫版係五年級。
  2. 喺漫畫第3回同動畫第34集可以知道。