安道爾

出自維基百科,自由嘅百科全書
跳去: 定向搵嘢
Principat d'Andorra
安道爾國旗 安道爾國徽
放大 放大
國家格言:Virtus Unita Fortior
拉丁文:在美德下團結更強壯)
LocationAndorra.svg
官方語言 加泰羅尼亞文
首都 安道爾城
法國大公 雅克·希拉克
西班牙大公 胡安·恩里克·維維斯·西西里亞
首相 馬克·福爾內·莫爾內
面積 列第178名
468 km²
人口
 - 總人口(2003年
 - 人口密度
列第184位
69,150
144.5/km²
獨立 1278年
國慶 9月8日
宗教 天主教
貨幣 歐元(€)¹ = 100 歐分
時區 UTC+1
國歌 El Gran Carlemany, Mon Pare
偉大的查理曼,我的父親
國際域名 .ad
國際長途電話代碼 376
11999年前:法國法郎同埋西班牙比塞塔1982年後鑄造過一啲當地貨幣第納爾

安道爾公國係西南歐一個非常細嘅內陸公國,位於庇里牛斯山脈東部,同法國同西班牙毗鄰,係世界上唯一重有封建制度嘅國。旅遊業相當發達,亦都係避稅天堂。

意含[編輯]

安道爾(Andorra‎)源自納瓦拉嘅andurrial,意思係覆蓋灌木嘅土地(shrub-covered land‎)。

歷史[編輯]

內文: 安道爾史

傳說查理曼大帝為咗回報安道爾人同摩爾人作戰,頒布特許狀,喺安道爾設立教區,命烏格爾嘅伯爵擔任主教一職。11世紀嘅時候烏格爾主教同法國開始爭論安道爾嘅主權問題。

1278年雙方達成協議,安道爾由法國富瓦伯爵同西班牙烏格爾主教兩方一齊擁有主權(協議入面嘅範圍係今日安道爾政治同國土嘅雛型),後來富瓦伯爵擁有嘅主權轉到納瓦拉國王手中,法王亨利四世喺1607年下令法國國家元首同烏格爾主教同時擁有安道爾嘅主權。

1933年法國因為世界經濟大蕭條導致社會動盪,佔領安道爾 [未記出處或冇根據]。1934年7月12號,一個俄羅斯冒險家 Boris Skossyreff‎ 喺烏格爾同大眾宣佈,佢擁有安道爾嘅主權,同時又向烏格爾主教宣戰。但係佢喺幾日之後即係7月20號被西班牙當局逮捕,並即刻被驅逐出境。1936至1940年,法國因為西班牙內戰而派兵駐守安道爾。

二戰期間,安道爾維持中立,成為維希法國同西班牙之間嘅走私重鎮。

安道爾長時間與世隔絕,只係保持對法國同西班牙嘅關係。近年嚟安道爾致力改善交通同通訊,又大力發展旅遊業。1993年,安道爾舉行公投,通過安道爾憲法,並且成為聯合國嘅成員。

政治[編輯]

安道爾嘅憲法喺1993年生效,憲法定明安道爾係一個君主立憲制國家,國家元首有兩個,稱為大公,分別係法國總統(現任:薩爾科齊)同西班牙加泰羅尼亞的羅馬天主教主教(現任:胡安·恩里克·維維斯·西西里亞),大公為虛位職。

立法就由議會負責,議會設有28個席位,一半由全國性選舉選出,另一半就由各區選出。政府係由議會多數黨組成。

安道爾嘅國防由法國同西班牙負責。

行政區劃[編輯]

安道爾分為七個教區(parish):

  • 安道爾城
  • 卡尼略
  • 恩坎普
  • 萊塞斯卡爾德-恩戈爾達
  • 馬薩納
  • 奧爾迪諾
  • 聖胡利婭-德洛里亞

地理[編輯]

內文: 安道爾地理
2004年3月的衛星圖片

安道爾位於庇里牛斯山東部,境內是山地,平均海拔係1996米,最高點係科梅佩特羅薩,海拔達2,946米。成個國家被三條Y形嘅狹谷分割,喺呢度有兩條河會合,成為瓦利拉河並流向西班牙。氣候同鄰近地區,都係屬於溫帶氣候,但因境內地勢影響,夏天涼爽,而冬天降雪量較多。

經濟[編輯]

內文: 安道爾經濟

旅遊業佔GDP嘅80%,係安道爾經濟嘅主要來源。每年有大概九百萬人因免稅同冬夏兩季嘅度假設施而去安道爾旅遊。近來由於法國西班牙喺自己境內實施經濟改革,令安道爾失去一啲免稅嘅優勢。

作為免稅天堂,安道爾嘅金融業亦都好重要。由於國內只係有2%嘅土地可耕種的關係,農產品大多數係喺國外進口;畜牧業以羊為主;工業產品主要有煙同傢具。

安道爾並唔係歐盟成員國,但係佢哋之間有特殊關係(歐盟對安道爾出口嘅產品實施0關稅)。此外安道爾本身並無貨幣,1991年之前採用法國法郎及西班牙比塞塔,之後使用歐元。同歐盟內嘅小國唔同,安道爾唔可以自製歐元。但由2004年10月起安道爾同歐盟達成協議,安道爾能夠鑄造自己嘅歐元。

自然資源有水力發電、礦泉水、木材、鐵礦同鉛等。

人口[編輯]

內文: 安道爾人口

奇怪嘅係,安道爾只有33%嘅人口係安道爾人,外國僑民以西班牙人為主(佔43%),另外重有葡萄牙人(11%)同法國人(7%)等。

文化[編輯]

內文: 安道爾文化

官方語言係加泰羅尼亞文,同西班牙加泰羅尼亞省相同。加文亦都係西三國官方語言。

相關主題[編輯]

出面網頁[編輯]