定向圖

出自維基百科,自由嘅百科全書
跳去: 定向搵嘢
定向圖

定向圖(Orienteering map),又叫定向地圖,係為定向賽而準備嘅地圖,係定形圖一種,但比地形圖更加詳細,用來幫賽員搵路

定向圖比一般地形圖詳細,會附加標準符號描述地點。符號好直接,唔同人唔同話都睇得明。除咗地形圖有嘅等高綫,定向圖會畫埋森林密度,水文特徵,開揚程度,路徑高灘石牆,溝,渠,井,坑,欄,電纜,人工物,樓,大石,同好多地形特徵。定向圖比例為一比萬五或者一萬。[1]

定向圖,非萬國標準圖。張圖用來用做無綫電定向。開始點一樣係三角形,大細同心圓做終點。五控制點中,兩個係隱藏嘅無綫電發射器。發射控制點,係用來賽後分析;ARDF賽員一定會控到發射器。

用途[編輯]

定向圖係夾埋指南針來用,主要係幫定向賽員完成一咋控制點組成嘅路綫[2]張圖要,先至可以試到賽員嘅搵路技巧。定向圖嘅料,應該同賽員要嘅資料好有關係,唔好太多,唔好太少。

[編輯]

定向圖

早年玩定向,有乜地圖就用乜地圖,多數都係一國地圖官署出嘅地形圖。後尾會畫一啲專畀定向用嘅圖。呢啲圖通常係一啲定向會畫,係會極之寶貴嘅資源。有規模嘅會有多啲資源,多啲圖,多啲人手,亦都可以搞多啲比賽。

特點[編輯]

定向圖係專畀定向用,所以會落多啲地形特徵。例如,一搬地形圖唔會記低地上便嘅大石,但係,定向圖就會落埋,因為玩定向要呢啲資料。玩定向,越多地貌特徵就越好,咁先試到賽員搵路技巧。

圖內容[編輯]

地圖比例係一比萬五,亦可以放大到一比一萬,連帶符號都放大多一半(150%)。有啲特別嘅定向,定向圖會有唔同。圖用五色,各色有各類,地形,石,水澤,草木同人造物。重有技術符號,加額外資料,重有隻色畀加印符號。呢啲符號係有圖例解釋。[2]

等高綫

啡為地形[編輯]

地形用等高綫表示,高度五米一隔。重會有啲符號畀高灘山頭凹地,細凹地,地窿,斷地等。

黑為石[編輯]

呢組有崖、大石、石堆、石羣等。

藍為水[編輯]

呢組有湖、塘、河、水道、澤地、同井等等。

草木:白係森林、黃係開揚、綠係難走。

黃綠係草木[編輯]

呢組講草木。白係易走過嘅森林,綠係望唔嘅穿森林,難走啲,有啲可以慢走,有啲直情走唔過。黃係開揚地。綠直間係多地面草木,但可以睇得穿。

黑為人工物[編輯]

人工物有路、徑、電纜、石牆、欄、樓等等。

技術符號[編輯]

有兩個技術符號係必有,一個係磁北,印藍色,另一個係印刷對色位嘅十字綫(register cross)。[2]

其他資料[編輯]

其他資料會印喺圖上,之不過無定制。呢類有地圖比例,等高綫間距,比例尺。好嘅圖會寫埋測量日、測量比例、版權資料、有份制圖嘅人。

路綫

紫紅為加印符號[編輯]

路綫相關嘅符號,會加印上圖。符號有起點,控制點,控制點號碼,控制點之間嘅綫,同埋終點。有時重會加印交叉點,禁行嘅路,急救站,茶水站等等。呢啲嘢唔係永久特徵,唔可以印圖時印埋。

相關活動[編輯]

萬國定向圖規格(International Specification for Orienteering Maps)[2]寫咗行路,單車、滑雪同傷健等定嘅定向圖係點做。呢幾項嘅規格都一樣,只有少少係專項嘅符號,例如滑雪定向會分馬路係咪畀雪冚住。

製圖法[編輯]

製圖分四步,分別係底圖、實地考察、畫圖同印圖。

底圖[編輯]

底圖可以係任何用途嘅地形圖,通常係一國嘅測繪處做嘅,亦都可以用高空測量(aerial survey)時,用攝影測量(photgrammetry)勾出來嘅圖。

磁北[編輯]

製圖人會用地圖投影法將地曲面嘅投射到平面。咁會變定國立地形圖上便嘅格綫。之不過投射會有啲變形,咁格綫查實會同正北差咁啲。而磁北又同正北同格綫又爭啲。例如, 地點一點,北緯52度35分,東經1度10分,佢嘅正北喺格北西便2度33分,而磁北用格北差7度。磁北係唔停咁變,例如上述地點,四年內磁北郁咗半度[3]定向圖因為用磁北,所以底圖要校到同磁北對。

實地考察[編輯]

實地考察嗰陣,一少部份嘅底圖會貼實嘅測量版上便,上便放張牛油紙(draughting film),用鉛筆畫嘢。最後張圖就有夠準嘅料,可以放喺地圖上便,等賽員用。所以考察員一定要將地徵畫得夠準,確保地形同地圖係一致。如果地圖同地形唔一致,地徵就無用,唔可以放控制點響嗰度。有需要周不時改正地圖,亦其係林地草木係會變樣。

畫圖[編輯]

校正地形圖[編輯]

最早嘅定向圖係用地形圖,好似英國測量一比二萬五地圖。呢啲地圖會𠝹到咁大細,人手改正,之後抄印。

手畫定向圖[編輯]

手畫地圖[編輯]

手畫地圖,係畫起膠片之上。膠可以蝕入,留墨水在上。一張片要五隻色。唔同嘅點同綫網,可以用預先印有網點嘅預造片,壓挖方式傳到膠片上。一幅圖要畫兩次。用影相法,造成五張正片用來印刷。個種比較簡單,亦唔使咁多專門架生。

刻圖[編輯]

國立繪圖局以挖圖造圖。用膠片,片一面有層物質唔透光。呢層會用刻刀或挖,造出負片。隻隻實色都要自己嘅膠片,通常用成十張。地圖以成品比例刻制,負片會印出好高質素點網。最終會印成五張正片。過程好易做到好高質素嘅地圖,之不過就用一啲專門嘅架生。

電腦繪圖[編輯]

電腦軟件可幫手畫電子地圖。其中OCAD係呢方便主要供應商。其軟件可以同OCAD夾,或者共用格式。咁一來路綫,可以夾埋地圖一齊印。

印圖[編輯]

彩色地圖會交畀印刷公司印,先印五色。印好圖之後,再印加印符號。加印符號另印係因為啲綫比較幼,另印質素好啲,呢個係一般四色印刷(CMYK)做唔好。家下電腦同軟件發達,印嘢成本低,好多定向會會自己印圖,用四色打印機一次過印晒六色,之不過質素無傳統印刷咁好。如果印紙係標準大細,例如A4紙,咁成本會低一啲。重有係印要揀啱紙質,紙重(paper weight)同紙面(paper coating)會影響張圖嘅可用程度。

地圖準度同質素[編輯]

地圖準度(Map accuracy)係指實地測量員做嘅作品,同測量位置有幾準唔係太大關係,反而張圖對賽員幾有用有關。地圖質素(Map quality)指講地圖嘅藝術質素。有多國嘅機構,都會搞比賽,頒獎畀製圖人。製圖人做嘅作品質素,在於技巧多過架生。[4]

出面網頁[編輯]

[編輯]

  1. Zentai, László, ed. (2000). International Drawing Specifications for Orienteering Maps (ISOM2000). International Orienteering Federation.
  2. 2.0 2.1 2.2 2.3 International Specification for Orienteering Maps. International Orienteering Federation. 2000. 喺2008-06-16搵到;. 
  3. [United Kingdom] Ordnance Survey, 1:50000 Landranger Series, sheet 144, 1984
  4. 英文諺語有話,A bad workman blames his tools,即係一個差嘅工匠會怪佢嘅架生唔好。