寶崗天主堂

出自維基百科,自由嘅百科全書
  呢篇文講嘅唔係遠東宣教會寶崗堂
喺廣州河南寶崗天主堂

 寶崗天主堂粵拼bou2 gong1 tin1 zyu2 tong4 ,又名河南寶崗聖家堂,係中國廣東廣州天主教嘅教堂,1938年起好,位置喺海珠區(原寶崗鄉)同福中路寶玉直街崇正里4號。官方未認定係文物保護單位。2018年2月2號畀施工隊開推土車拆咗(照規劃批准係只清拆左近樓宇,主樓係只批外立面翻新)。

[編輯]

呢間教堂最初係間教徒嘅聚集地兼拜神嘅公所仔,史載大清道光廿五年(1845年),天主教法國巴黎外方傳教會派咗李其芳神父來廣州傳教,喺教堂所在地開辦咗民眾識字班重搞埋教徒聚會所。後尾越嚟越多教徒過嚟參拜,建築喺1938年6月改成1棟3層樓高,總佔地264m²嘅樣。其中1樓係教堂,2樓同3樓係神父居室。1947年,廣州教區嗌返美國瑪利諾外方傳教會睇住呢間教堂,教會派咗美籍神父馬奕猷(F. Myer)任本堂神父,廣州教區就派咗黃鳴潮神父做副本堂。

1953年,外籍神父離開返國,由華籍神父黃鳴潮接任本堂神父,謝志賢神父接任副本堂。

文革陣受到破四舊浪潮影響,教堂冚唪唥嘅宗教停嗮,教堂畀寶崗街服裝廠佔用。直到第12屆人大三中全會開完為止。由於政府落實返宗教房屋政策,喺1984年將教堂產權畀返教會,經過2年維修之後,喺1986年12月7號恢復返正常宗教,由吳德莘神父主持教務。

2018年2月2號畀施工隊開推土車拆咗。

外觀[編輯]

教堂大門上高係彎成拱形嘅鐵枝,上書「天主堂」3個字。洋樓高20幾米,窗房同門口都係長方形,窗鑲咗藍色玻璃,極具神秘感,係教堂原特色之一。

[編輯]