將進酒

出自維基百科,自由嘅百科全書
跳去: 定向搵嘢

將進酒大唐詩人李白寫嘅,類入七言樂府

背景[編輯]

寫呢首詩嘅時候,李白仕途失意,轉投酒樂,借詩意言志,唔想做聖賢,只想交朋結友,一醉解千愁。

首詩[編輯]

君不見黃河之水天上來,奔流到海不復回!

君不見高堂明鏡悲白髮,朝如青絲暮成雪。


人生得意須盡歡,莫使金樽空對月。

天生我材必有用,千金散盡還復來。

烹羊宰牛且為樂,會須一飲三百杯。


岑夫子,丹丘生,將進酒,君莫停。

與君歌一曲,請君為我側耳聽。

鐘鼓饌玉不足貴,但願長醉不復醒。


古來聖賢皆寂寞,唯有飲者留其名。

陳王昔時宴平樂,斗酒十千恣歡謔。


主人何為言少錢,徑須沽取對君酌。

五花馬,千金裘,

呼兒將出換美酒,與爾同銷萬古愁。

意譯[編輯]

睇到唔睇到?
黃河嘅水好似係天上邊倒落嚟,一野衝入海唔返轉頭!
睇到唔睇到?
你阿媽照鏡因為白頭髮唔開心,朝早重黑鼆鼆[1]嘅頭髮挨晚就變咗白雪雪。
人生得意就要玩盡佢,千其唔好畀金樽白白咁對住個月光。
上天畀我嘅才華一定有用,啲錢散晒會返嚟。
煮羊殺牛嚟食為大家開心,係應該一口氣飲佢幾百杯[2]
岑夫子,丹丘生,拎酒嚟,一齊飲唔好停。
等我為你哋唱首歌,請你哋豎起隻耳聽我唱。
貴族豪門嘅生活唔駛諗,淨係想醉唔想醒。
自古以嚟聖賢冇人理,飲酒嘅人先出名。
陳王曹植當年喺平樂大排宴席,用個斗𢳂酒十吓千吓放恣咁玩。
主人你點解話冇錢,直接了當拎啲酒我同你飲。
你隻五花馬,千金皮裘呢?
叫你個仔拎去賣,換靚酒,等我同你解萬古嘅愁啦!

評論[編輯]

宋人嚴羽評咁講:「蓋他人作詩用筆想!太白但用胸口一噴即是。」[3]

[編輯]

  1. 「黑鼆鼆」音hak7mang⁴mang⁴
  2. 註:古時後啲人以「三」嚟表示好多嘅意思,所謂「無三不成幾」。
  3. 論李白飲酒詩的文化意蘊