小楊生煎（粵拼：siu2 joeng4 saang1 zin1；吳語通拼（上海話）：siauyan santsie）係21世紀初上海一檔比較出名嘅中式快餐連鎖舖，主要賣生煎包。呢檔嘅特色係啲生煎包大隻、多汁，同第啲檔口傳統嘅生煎包相比，小楊生煎嘅大兩倍左右。因為啲包大隻，一啲上海本地人食唔慣，認為小楊生煎商業味道太濃，淨係𢬿來氹外地人。另外，小楊生煎啲包包皮脆嫩鬆軟，好似用爐焗過噉。
小楊生煎喺吳江路小食街發圍。創始人楊利朋，係知青嘅細路，白手興家。
