小食

出自維基百科,自由嘅百科全書
跳去: 定向搵嘢
華北風格麵食小食店
香港銅鑼灣嘅街上小食

小食係一類喺口味上具有特定風格特色嘅食品嘅總稱,可以作為宴席間嘅點綴,或者早餐、宵嘅夜主要嘢食。世界各地都有當地特色嘅風味小食,鮮明特色往往亦係當地觀光行銷嘅重點,以及所有遊子對於家鄉思念嘅「主要對象」。小食價錢平,一般人都買得起。有一啲學者更將小食作為一種文化現象來研究。

有啲小食講求制作需時短或可以比較長時間儲存,即食即攞,唔使好似煮正餐咁蹝時間。有啲中式小食由於取材比較普遍,好快流行到其他地區;但啲嘅小食由於口味獨特或淨係用本地材料,淨係可以局限喺一個地區。現代由於人口流動大,材料運輸方便,好多原本局限喺一個地區嘅小食,迅速向各地擴散。著名小食就靠口耳相傳而同大眾文化緊密交纏,甚至可能成為當地代表嘅飲食。

然而,小食發展到而家,喺一啲地區已經有咗另一種意思。雖然一樣係講究採用當地新鮮嘅食材,但喺製作方法繁複、作工講究,比講究飽肚嘅正餐更為繁瑣,係追求利潤嘅餐廳唔願意賣嘅。呢種小食,已經係一種地道飲食文化,絕非只係喺三餐之間填飽個肚,追求唔餓肚嘅層次。

點解會有小食[編輯]

小食就地取材,通常能夠突出反映當地嘅物質同社會生活風貌;現代人食小食通常唔止為咗要食飽,而係因為嘴饞。遊客食小食除咗品嘗異地風味以外,重可以藉此了解當地風情。有啲人胃口細,或由於某啲疾病一次唔可以食太多,三餐唔足以供應必要嘅營養,喺正餐外需要以小食零食補充。

小食對生活嘅影響[編輯]

小食代表住人類文化生活嘅精致化。隨住經濟發展,人類生活水平提高,食嘢喺日常生活中佔嘅比例越來越細,再加上工作緊張,啲人開始厭棄正餐青睐小食。因為小食唔使講究禮儀,隨時方便咁解決饑餓問題。但由於小食嘅營養唔全面,得來方便,幾時要都得,好易食得太多,所以小食可能亦係造成而家肥胖比較普及嘅一種原因。