尖沙咀站

呢篇文章講嘅係荃灣綫尖沙咀站。想搵西鐵綫現時位於尖沙咀嘅車站，睇下「尖東站」。

想搵已經喺1975年停用嘅九廣鐵路（英段）車站，睇下「尖沙咀站 (九廣鐵路英段)」。

尖沙咀 Tsim Sha Tsui

尖沙咀站2號月台

區 油尖旺區 地區 尖沙嘴

通車 1979年12月16號 站類 地底 月台類 1島式月台 月台數 2個 出口數 13個

途經 荃灣綫 代碼 TST 服務時間 0554-0109 接駁交通 巴士、小巴、小輪

街道圖 港鐵網

尖沙咀站大堂

尖沙咀站內嘅車站鋪頭

尖沙咀站A1出口

尖沙咀站D2出口

尖沙咀站E出口

尖沙咀站F出口

尖沙咀站R出口

尖沙咀站係港鐵荃灣綫九龍段過海前嘅最後一個車站，位於香港九龍油尖旺區尖沙咀彌敦道地底，喺1979年12月16號啟用。

自從尖東站喺2004年啟用之後，乘客可以經轉乘通道轉荃灣綫或者東鐵綫列車，但因為行人隧道系統設計問題，兩站之間嘅閘門永久唔會拆，而響30分鐘內用八達通轉車，會當做一程車程，因此如果由其他車站去本站，並由尖東站返返該車站嘅乘客，會按港鐵附例被徵收原站出入超過20分鐘嘅費用（長者除外），而由該車站出發超過150分鐘就要畀最高車費做附加費；而用單程票嘅乘客要先出閘，然後再買車票入閘（兩程車費會高過響其他轉車站轉綫，例如九龍塘站、美孚站或南昌站）。

車站結構

車站樓層

G 地面	-	出口
L1 大堂	大堂	客務中心、車站商店、恒生銀行
		自動售賣機、自動照相機、自動櫃員機
		「e分鐘著數」機
	行人隧道	行人隧道連接尖東站
L2 月台	➊	往荃灣
	島式月台，右邊嘅車門將會打開
	➋	往中環

車站大堂

尖沙咀站大堂位於L1層，車站大堂收費區位於大堂嘅南北兩邊，四周畀行人通道同埋車站商店包圍，因此車站商店主要喺大堂非收費區，收費區內設有多組扶手電梯同埋樓梯往返月台。

車站鋪頭同自助服務

尖沙咀站內提供唔同類型嘅商店畀乘客買嘢或食嘢，好似便利店、餅店、咖啡店、書店、花店、恒生銀行、DHL呢啲零售業同其他服務咁。港鐵收費區嚴禁進食，因此大部份食肆都唔喺收費區內。

此外，尖沙咀站有唔少自助服務設施，包括恒生銀行以及中銀香港嘅自動櫃員機、自動售賣機、自動影相機咁。車站內仲有香港郵政嘅郵箱以及「iCentre」免費上網服務設施。車站仲有「e分鐘着數」機，畀乘客登記做港鐵友禮會會員、查獎分、換領獎賞同買互聯網用代幣同點數卡。

車站月台

車站設有兩個月台，島式月台排列。2001年裝上月台幕門。

車站出口

尖沙咀站有11個出口，出口連去尖沙咀區內嘅購物中心、酒店同文娛康樂設施等。由於車站喺彌敦道地底，因此大部份出口都近住彌敦道同埋尖沙咀區內嘅街。其中F出口同G出口黐住尖東站，乘客可以經嗰兩個出口連接尖東站行人隧道系統去尖東站、尖沙咀東或者新世界中心一帶。

喺每個車站出口，都有指示牌顯示出口周邊建築物同設施一覽。而且，部份地方嘅相，畀乘客睇到嗰地方嘅樣，亦係全港少數港鐵車站有相嘅出口指示牌。

• A1 - 九龍公園
  • 中國客運碼頭、中港城、廣東道、海港城、衛生教育展覽中心、香港文物探知館、海防道、漢口道、九龍清真寺、九龍公園、新港中心、港景峰、皇家太平洋酒店
    • 設有輪椅升降台及失明人士引導徑往返地面
• A2 - 堪富利士道
  • 昌興大廈、加拿分道、格蘭中心、粵海酒店、赫德道、堪富利士道、堪富利廣場、河內道、文遜大廈、職業性失聰補償管理局、寶勒巷
    • 設有失明人士引導徑往返地面
• B - 金馬倫道
  • B1 - 古物古蹟辦事處、加連威老道、山林道、君怡酒店、金巴利道、諾士佛臺、美麗華商場、彌敦道、尖沙咀皇悅酒店、帝樂文娜公館、The Mira Hong Kong
  • B2 - 金馬倫道、漆咸道南、中大專業進修學院、香港基督教服務處、香港歷史博物館、香港科學館、百樂酒店、九龍華美達酒店、仕福山景酒店、尖沙咀東部（近金馬倫道）
• C - 北京道
  • C1 - 亞士厘道、廣東道、香港工業總會、亞太中心、漢口道、朗廷酒店、樂道、力寶太陽廣場、北京道
  • C2 - 海防道、九龍清真寺、九龍公園、彌敦道
• D - 加拿分道
  • D1 - 重慶大廈、CKE購物商場、帝國酒店、美麗都大廈、麼地道、彌敦道、喜來登酒店
  • D2 - 碧仙桃路、康和里、加拿分道、赫德道、河內道、香港總商會簽證部、寶勒巷、數碼城、豪峰軒
• E - 香港文化中心
  • 香港文化中心、香港藝術館、香港西武、香港太空館、海運大廈、半島酒店、彩星中心、尖沙咀天星碼頭、星光行、九龍酒店、尖沙咀公眾碼頭、青年會
• F - 尖東站（中間道）
  • 星光大道、亞士厘道、國際電信大廈、香港洲際酒店、尖東站（中間道）、海員俱樂部、中間道停車場、新世界中心、九龍萬麗酒店、崇光百貨
    • 設有失明人士引導徑往返出口
• G - 尖東站（麼地道）
  • 金域假日酒店、香港日航酒店、麗景酒店、河內道、尖東站（麼地道）、海景嘉福酒店、九龍香格里拉酒店、冠華中心、半島中心、富豪九龍酒店、帝苑酒店、尖沙咀東部（近麼地道）、永安廣場、尖沙咀中心
    • 設有失明人士引導徑往返出口，可經尖東站行人隧道升降機往返地面
• H - 國際廣場
• R - 國際廣場

鄰接車站

	荃灣綫
中環 - 金鐘 - 尖沙咀 - 佐敦 - 油麻地 - 旺角 - 太子 - 深水埗 - 長沙灣 - 茘枝角 - 美孚 - 茘景 - 葵芳 - 葵興 - 大窩口 - 荃灣

接駁交通

由於尖沙咀站位於繁忙嘅彌敦道地底，加上處於已發展嘅商業中心區內，車站四周欠缺大型公共運輸交匯處，大部份巴士同小巴淨係喺尖沙咀站設中途站，或者喺尖沙咀天星碼頭或者尖東設總站。

乘客主要喺呢個站轉其他交通路線往返何文田、紅磡、黃埔等住宅區。同時有唔少乘客行去中國客運碼頭轉渡輪去澳門同埋珠江三角洲等地。隨住尖東站落成，同時亦有乘客轉東鐵綫去新界，但係用單程車票嘅乘客唔可以喺本站同尖東站之間轉車，要另外再買車票入閘，而八達通乘客就有30分鐘轉乘時限。

接駁交通一覽

• 西鐵綫尖東站
• 九巴：
  • 1、1A、2、6、7、9、13X、26、35A、41A、63X、81C、87D、98D、203、208、215X、219X、234X、260X、271、281A、296D
• 過海隧道巴士：
  • 110、973
• 城巴：
  • A21
• 專線小巴：
  • 6／6X - 尖沙咀漢口道 ↔ 黃埔花園
  • 7 - 偉恆昌新村 ↔ 尖沙咀東（循環線）（八達通轉乘優惠）
  • 8 - 尖沙咀漢口道 ↔ 何文田
  • 77M - 尖沙咀東 ↔ 九龍站（八達通轉乘優惠）
  • 78 - 維港灣 ↔ 尖沙咀漢口道（循環線）（八達通轉乘優惠）
  • 其他路線：3、6A、78
• 天星小輪：
  • 尖沙咀 ↔ 中環
  • 尖沙咀 ↔ 灣仔
• 新世界第一渡輪：
  • 中國客運碼頭 ↔ 澳門

使用狀況

尖沙咀漢口道專線小巴站

荃灣綫尖沙咀站G出口與東鐵綫尖東站M3出口相連

荃灣綫尖沙咀站F出口與東鐵綫尖東站L2出口相連

尖沙咀站係香港地鐵系統中最繁忙嘅車站，高峰期每小時人流可達4萬人次。由於車站位於彌敦道地底，附近有多個著名旅遊景點、大型購物商場同酒店，因此每日有唔少乘客出入。

2004年10月24號，九廣東鐵延長至尖東站後，更有唔少乘客用尖沙咀站轉九廣東鐵往返新界，尖沙咀站每日人流更有大約26萬人次，成為香港地鐵最高人流車站。

另外，本站至佐敦站之間設有交叉側綫。當海底隧道或荃灣綫金鐘站有故障嗰時，列車將會暫停過海服務，並以本站做臨時總站。

車站歷史

修正早期系統

尖沙咀站響1979年12月16號啟用，當時係修正早期系統列車服務嘅臨時總站，直至地鐵過海鐵路路段啟用之後，先成為過海前嘅中途站。

九廣東鐵轉乘通道

內文： 東鐵綫 同 尖東站

2004年10月24號，九廣東鐵（即係而家嘅東鐵綫）延伸至尖東站，連接尖沙咀站同尖東站嘅麼地道行人隧道啟用，成為尖沙咀站G出口，尖沙咀站成為地鐵同九廣東鐵繼九龍塘站後嘅第二個轉車站。

2005年4月4號，連接車站大堂南面F出口嘅中間道行人隧道啟用，方便乘客利用中間道行人隧道轉九廣東鐵或前往尖沙咀南面主要建築物。此外，喺興建F出口工程期間，同時將車站大堂南端擴充，有助解決E出口車站通道擠迫嘅問題。

2007年12月2號，隨住兩鐵合併，九廣東鐵改名做東鐵綫，由當日起乘客喺尖沙咀站同尖東站轉乘，可享有轉車優惠，但分隔兩站嘅閘機唔會拆，用八達通轉乘嘅乘客喺30分鐘內轉車，會當做一程車費；而用單程票嘅乘客要先出閘，然後再買車票入閘（兩程車費會高過響其他轉車站轉車，例如九龍塘站、美孚站或南昌站）。

加建國際廣場出入口

地鐵公司同發展商合作起新行人隧道連接響2006年拆卸重建嘅香港凱悅酒店地底，大堂以2個出口直接接駁重建後嘅國際廣場地底。有關工程已經響2009年11月底完工，新加嘅出口叫H、R出口。

未來發展

新建北端大堂同出入口

地鐵公司喺2007年6月27號宣佈會再擴大尖沙咀站同加出入口嘅計劃。計劃原建議喺尖沙咀站月台北面機房位置，以暗挖技術開闢一條全長200米、闊6米嘅新通道，並喺通道中央開設面積大約500平方米嘅新大堂。新大堂將接駁三個新出入口，其中包括早前計劃連接東英大廈嘅出入口，以及連接美麗華酒店同埋美麗華商場地庫嘅新出入口。

根據2008年11月10號嘅最新計劃，港鐵公司將會喺現有尖沙咀站北面開始，起一共長180米嘅隧道，連接新起嘅衛星大堂同埋3個新出入口（Q1、Q2、Q3）。施工期間，將可能封閉彌敦道一條行車線。工程擬於2009年6月動工，預計需時約35個月，將喺2012年5月完工。

上述工程完成之後，尖沙咀站出口數目將由13個增至16個，成為全港最多出入口嘅車站。如果計埋尖東站，更有多達31個出入口。

上一站‧下一站

上一站		港鐵		下一站
金鐘 往中環		荃灣綫		佐敦 往荃灣
紅磡 總站		西鐵綫 喺尖東站度轉		柯士甸 往屯門

列車班次

月台	方向	列車班次（分鐘）						頭班車	尾班車
		平日上晝 繁忙時段	平日下晝 繁忙時段	星期六上晝 繁忙時段	星期六下晝 繁忙時段	星期六 非繁忙時段	平日非繁忙時段/ 星期日及公眾假期
➊	往荃灣	2.1	2.2	2.5	4-5			0611	0059
➋	往中環							0604	0054