尤德觀鳥園

出自維基百科,自由嘅百科全書
跳去: 定向搵嘢

尤德觀鳥園(Youde Aviary)喺香港公園內,佔地3000平方米,係世界上最大嘅觀鳥園之一。觀鳥園嘅雀仔可隨意喺遊客面前周圍飛。

香港公園裏面嘅尤德觀鳥園內部

設計構思[編輯]

市政局管嘅香港公園喺1992年9月開放啱啱起好嘅觀鳥園畀市民參觀。觀鳥園以已故港督尤德爵士命名。佢響1982年至1986年做港督。

觀鳥園有一條行人天橋,設計到輪椅都行得;遊人可以響唔同高度睇植物雀仔,同埋由唔同角度欣賞園內嘅全景。

園內底層設有淺水池同小瀑布,流向園內地勢較低嗰邊,最後喺一個大型水池滙合。呢個水池同位於園外出口嘅小型人工湖相連,響禽流感出現前,人工湖係欣賞水禽嘅地方。

喺觀鳥園嘅入口度展出咗唔少圖文並茂嘅資料,介紹熱帶雨林嘅結構同生態系統,而且重特別介紹林內雀鳥群落。出口位於園內地勢較低嗰邊,遊人可以沿住行人天橋單向漫步而下,沿途設有多個觀景台。

為免觀鳥園內出現礙眼嘅支柱,建築師用咗4個跨越整個觀鳥園嘅巨大拱架,將不透鋼圍網托起嚟。圍網覆蓋範圍約3000平方米。上蓋最高點離園內底部達30米。

除咗現有樹木,觀鳥園內外亦種咗大量植物;假以時日,會遮住大部分圍網。

展覽主題[編輯]

展出嘅雀仔來自馬來西亞熱帶雨林,近年園內亦養埋本地林鳥

馬來群島係一個植物區,範圍廣闊,由馬來半島同大巽他群島(即蘇門答臘婆羅洲爪哇)、菲律賓同所有印度尼西亞島嶼起,伸展至新畿內亞俾斯麥群島

呢啲雨林地球上最高嘅雨林樹木,亦係多種動物棲息之地,其中包括一啲世界上最靚嘅雀仔。

雀仔品種[編輯]

觀鳥園嘅雀仔,大多嚟自馬來群島,但近年亦有飼養本地鳥種,例如珠頸斑鳩。有響地上棲息嘅雉雞鷓鴣鳩鴿等。有啲品種,例如產新畿內亞鳳冠鳩,而家重瀕緊危。重有大眼斑雉擬啄木鳥鳴禽類等。總數大約90品種近700隻。

以前有養馬來鼷鹿,響觀鳥園內自由奔跑,而家無養嘞。

植物品種[編輯]

起觀鳥園之前,山谷已經有一啲成齡樹;公園施工期間,呢啲樹木大都得以保存。此外,觀鳥園亦種咗好多樹木。

園內盡可能引入源自馬來群島嘅植物或相似品種,以適應香港冬天。

樹木品種主要係無花果樹(例如唔同品種榕樹)、木棉石栗棕櫚樹羊齒植物等,豐富林內植物品種。

水禽湖[編輯]

水禽湖位於觀鳥園旁邊,原本係養塘鵝同其他水禽嘅地方。自從禽流感爆發後,為免受到感染,塘鵝已經搬咗去園內飼養,水禽湖亦都唔用。

2005年9月,觀鳥園從澳洲買咗3隻塘鵝。如果水禽湖未棄用,應該會喺呢度養。

雀鳥展覽區[編輯]

由於大隻嘅犀鳥會捉其他雀仔食,所以觀鳥園編咗佢哋去入口旁嘅展覽區內,展覽區而家重整緊。

開放時間[編輯]

每日上晝9:00至下晝5:00

入場費[編輯]

唔使錢

連結[編輯]