尤蘇波夫宮

出自維基百科,自由嘅百科全書
跳去: 定向搵嘢
尤蘇波夫宮

尤蘇波夫宮,全稱莫伊卡河畔尤蘇波夫家族府邸(俄文:Дворец Юсуповых на Мойке),係俄羅斯聖彼得堡嘅一座地標,1770年動工,到1830年左右完工。從1830年到1917年,尤蘇波夫宮都係沙皇親信尤蘇波夫家族嘅府邸。1916年,菲歷斯·菲歷索域治·尤蘇波夫親王聯合三個人,喺尤蘇波夫宮謀殺咗當時沙皇夫婦寵信嘅「顛僧」拉斯普京。1917年十月革命之後,尤蘇波夫宮被共產黨人佔據,並且喺1925年移交咗畀列寧格勒市教委,但係市教委決定唔跟共產黨人習慣將尤蘇波夫宮改為其他用途,而係將尤蘇波夫宮保育成一座公共博物館。今日,尤蘇波夫宮係一座公營嘅文化宮,但係當年尤蘇波夫親王謀殺拉斯普京嘅庭院,就被尤蘇波夫宮隔離嘅一間幼兒園用咗做操場。