屌你老母

屌你老母（亦寫做𨳒你老母，讀音：dĩu néy lówmõw）係一句廣東話粗口，字面嘅生物學意思係「我同你老母性交」，實際上係鬧人老母。鬧人老母喺中國文化入面一樣共同文化，魯迅就話如果代表中國嘅花牡丹叫做國花，咁鬧人老母就可以話係中國嘅「國罵」¹。之後鬧人老母就畀人公認做「國罵」。

各種話鬧人老母

喺第啲話入面，有對等粗口，例如國語就叫「操（肏）你媽」、「他媽的」、「幹你娘」，喺網絡上便隱晦啲會寫成「草泥馬」。閩南話就話「駛恁娘」（sái lín niâ）、「幹恁娘」（kán lín niâ）、「幹恁娘chi-pai」（kán lín niâ chi-pai）、「幹恁娘老chi-pai」（kán lín niâ lāu chi-pai）。除咗「幹」同「屌」，其他形容重有「肏」、「尻」、「操」、「日」、「直」、「弄」。

鬧人老母種類

鬧人老母分兩種，一種係無意義嘅粗口，純粹只係自己發洩情緒，呢類叫做「穢語」，另一種就用嚟鬧人，比較具攻擊性，呢類叫做「詈語」。

文化意義

屌你老母屬於同性有關嘅粗口，呢類粗口係基於一種男尊女卑嘅觀念而嚟，中國文化傳統以來，從來只有屌人老母，好小話鬧人老豆。有人認為其中一個原因，係因為中國儒家文化重視「宗」，如果一個人唔係結婚生出嚟，就無名份，地位就低啲，會畀人叫雜種，屌人老母你又唔係人老豆，即係話你係雜種，低等人。另一個講法又係同儒家文化有關，儒家觀念入面好重視「孝」，而鬧人老母就觸犯對方重視嘅「孝」，同時又貶低對方老豆，令對方受到極大侮辱。不過近年好多人都認為咁樣屌人老母係屬於一種性語言暴力，所以都唔係好鼓勵。

註

• 註 1: 魯迅《論忚媽的》：無論是誰，只要在中國過活，便總得常聽到「她媽的」或其相類的口頭禪。即使依或人聽說，牡丹是中國的「國花」，那麼，這就可以算是中國的「國罵」了。