展拓香港界址專條
![](http://upload.wikimedia.org/wikipedia/commons/thumb/a/a4/The_Convention_for_the_Extension_of_Hong_Kong_Territory_%28Ch%27ing_version%29.png/400px-The_Convention_for_the_Extension_of_Hong_Kong_Territory_%28Ch%27ing_version%29.png)
《中英展拓香港界址專條》 (英文:Convention between Great Britain and China Respecting an Extension of Hong Kong Territory)係響1898年6月9號,由大清同埋英國響北京簽訂。
專條內容係,英國向清廷租借香港九龍界限街以北、深圳河以南嘅地方,同埋附近包括大嶼山等二百幾個島,將香港境址擴展到后海灣同大鵬灣,為期99年,直至1997年6月30號為止。不過,清政府同時間保留九龍寨城嘅管治權,兼且繼續喺九龍寨城派駐官員。
建議[編輯]
![](http://upload.wikimedia.org/wikipedia/commons/thumb/2/20/Map_of_The_Convention_for_the_Extension_of_Hong_Kong_Territory_in_1898_-_1.jpg/200px-Map_of_The_Convention_for_the_Extension_of_Hong_Kong_Territory_in_1898_-_1.jpg)
![](http://upload.wikimedia.org/wikipedia/commons/thumb/4/48/Map_of_The_Convention_for_the_Extension_of_Hong_Kong_Territory_in_1898_-_2.jpg/200px-Map_of_The_Convention_for_the_Extension_of_Hong_Kong_Territory_in_1898_-_2.jpg)
擴展九龍界址,係1894年由遮打向港督羅便臣提出嘅[1][2]。
當時香港島同九龍半島無險可守,香港個港亦唔係全個喺英治之下,有部份係大清。一旦其他敵對歐洲勢力打入香港,又或者喺大嶼山等島駐紥,到時會無得守。而且當時香港島有人口密集,鼠疫橫行,需要分散人口減低風險。同埋,香港島同九龍半島亦都無可能糧食自足,重有係工業亦要地發展[2]。
之後由The Chamber of Commerce、The China Association同埋The Navy League力推,尤其係後者[1]。而英國海軍同陸軍都有份提防務意見[1]。港督羅便臣推動英國政府[1]。而英國駐華公使竇納樂(Claude MacDonald)同大清打交道[1]。
談判[編輯]
1898年3月,俄國迫大清租旅順同大連共25年,引起英國不安,所以英國借勢迫大清租威海衞同等年期,7月1號簽《訂租威海衛專條》。同時訂下如果廣東、廣西有任何租借地,會另要求租地以求平衡。同期3月,法國想染指廣東、廣西,4月迫大清租廣東西部嘅廣州灣。英國乘機以平衡勢力為由,竇納樂迫大清畀英國擴址200英里,6月9號簽下《展拓香港界址專條》,租99年。之後11月16號,大清亦迫住租廣州灣畀法國。
移交[編輯]
![](http://upload.wikimedia.org/wikipedia/commons/thumb/b/b7/New_Territories_Proclamation.jpg/300px-New_Territories_Proclamation.jpg)
1898年6月9號簽訂之後,香港本埠並無即時公告[1]。10號,香港本地仍然未知結果,會否全部仰或部份[2]。
英人並無卽時收地,而係等到調查完,勘定界,諗定方針先做,先至收。原因定喺一八九八年四月十七號正式接收,因爲鄉民開打新界六日戰,結果提早一日,喺四月十六號,喺九龍城同大埔升旗接收新界。