屙尿

出自維基百科,自由嘅百科全書
女人用屙尿過程,可以見到涿尿從好細嘅尿道口噴出嚟,屙嘅時候會有殊殊聲
男人用屙尿過程
女人屙完尿之後通常會用紙巾抹乾淨個陰部
企喺度屙尿嘅女人

屙尿,學術叫排尿,就係生物將體內嘅液體廢物(尿)由膀胱收集,至運到尿道口整出體外嘅過程。一般會去廁所屙尿,如果喺忍唔住、控制唔到嘅情況下屙尿,就叫做瀨尿

人類屙尿方式[編輯]

女人男人用唔同嘅方式屙尿,咁係因為佢哋嘅尿道開口構造唔同——男人用條排出尿液,女人就用個陰部屙尿。

女人[編輯]

女人嘅尿道開口喺陰唇中文陰唇入面,唔似男人咁樣同個身體有一段距離,而且尿道嘅方向向下,而屙嘅時候會有殊殊聲。如果女人企喺度屙尿,陰唇會好易打亂尿流,令啲尿唔再集中,而係向各個方向亂噴,搞到啲尿會整污糟條褲、條裙同埋身體。加上女人嘅尿會自然咁向下流,通常會指向下身衣物度,如果企喺度屙尿就會瀨濕條裙或者條褲,所以女人通常會坐低或者踎低屙尿,令啲尿向前下方噴。好少女人會企喺度屙尿,但事實上並唔難掌握。佢哋只需要將腰同埋膝頭哥彎曲,擘開大髀,用手指擘開陰唇同埋控制尿流嘅角度,咁樣涿尿就會迅速而集中咁流出。另外亦有女人話陰部脫完毛之後屙尿會失控,因為陰毛能夠將尿集中於同一個方向流出。女人屙完尿之後會用紙巾抹乾啲尿,以免有細菌感染嘅問題。如果冇紙巾喺身,都會將下身蹬幾下,揈乾淨啲尿,以免殘留喺陰部嘅尿整污糟底褲,令底褲有臭味。

男人[編輯]

由於男人屙尿嘅器官——有易於彎曲同凸起嘅特點,所以男人控制尿流易過女人,令企喺度屙尿唔成問題。事實上,大多數男人都企喺度屙尿。如果有長包皮,尿流就唔會筆直,而係變得更加粗同緩慢,而且殘餘嘅尿容易滴落。如果包皮割咗或者唔覆蓋尿道口,篤尿就會筆直而集中,並且尿流速度會同佢離開尿道嘅時候相同。男人屙完尿通常會幾下條賓周,或者輕輕撳下,咁就可以屙埋殘留喺包皮裏面嘅尿。男人條褲通常有拉鏈,噉男人唔使除褲都可以攞條嘢出嚟屙尿。冇拉鏈嘅男裝褲通常有彈性腰帶,男人可以將條褲拉低少少就屙尿。有啲男人會坐低或者踎低屙尿,如果唔係要屙屎,呢啲男性通常係屬於外生殖器畸形或者受傷而唔可以企喺度屙尿,或者純粹係唔想整污糟個廁所。

傷後屙尿[編輯]

如果女人啲泌尿器官損傷或者畸形,醫生可能會插條導尿管入去佢哋尿道入面,或者喺身體上開個新嘅窿做尿嘅出口。如果男人俾人切咗條嘢,咁佢哋就要好似女人咁踎低屙尿。

睇埋[編輯]